Шинос шавед! 10 кӯдаки миллионери ҷаҳон

0
216 просмотров

Баъзе одамон то дами марг заҳмат кашанд ҳам, шикамашон як умр нони сериро намебинад, вале дар радифи ин, кӯдаконе ҳастанд, ки дар боигарӣ ғӯта зада, аз хурдӣ фармонфармои дигарон мешаванд. Иддае аз ин кӯдакони хушбахт боигариро аз падару модар ё бобою бобокалонҳои сарватмандашон мерос гирифта бошанд, қисми дигар бо шарофати ақл ва ҳунару истеъдоди худ бой шудаанд. Чанд пеш рейтинги 10 кӯдаки бойтарини дунё муайян карда шуд.

Инак, мо шуморо бо ҷавонтарин сарватмандони олам ошно месозем.

  1. Ҷейлен Бледсо ($ 3,5 млн)

Ҷейлен Бледсо дар 13- солагӣ тиҷорати худро оғоз намуда, ширкати барномасозии компютериро кушод ва аллакай дар 15- солагӣ як миллион доллар ба даст овард. Айни замон дар ширкати ӯ зиёда аз 100 барномасоз ва дизайнери графикӣ фаъолият мекунанд. Имрӯз Ҷейлен Бледсо дар ҳисоби бонкияш  3,5 млн доллар пул дорад.

  1. Рикко Родригес ($ 4 млн)

Рикко Родригес—актёри ҷавонест, ки дар оилаи камбағал таваллуд шудааст. Вай аз овони кӯдакӣ ба ҳунар шавқу рағбати зиёд дошта, аввалҳо нақшҳои дуюмдараҷаро мебозид. Барномаи телевизионии   «Американская семейка» ба Рикко Родригес шуҳрату маҳбубияти бузург овард. Баъди ин барнома ӯ соҳиби ҷоизаҳои зиёд гашта, ба қатори бачаҳои миллионер дохил шуд.

  1. Эл Фаннинг ($ 5 млн)

Ҳунарманди ҷавон  Эл Фэннинг аввалин нақши худро дар синамо соли 2002 бозида буд. Баъди ин вай дар якчанд филми дигар нақш офарида, дар 17-солагӣ соҳиби 5 млн доллар гашт. Эл бештар ҳамроҳи хоҳараш Дакота Фэннинг нақш мебозад. Боигарии умумии хоҳарон аллакай 21 млн долларро ташкил мекунад.

  1. Ҷейден Смит ($ 8 млн)

Дар зинаи 7-уми рейтинги кӯдакони бойтарини ҷаҳон Ҷейден Смит, писари актёри машҳуру муваффақ Уилл Смит қарор дорад. Боигарии Ҷейден аллакай ба  8 млн доллар расидааст. Ин миқдор пулро вай бо шарофати падари машҳураш ба даст оварда бошад ҳам, мисли дигар бойбачаҳо по рӯи по монда, хоб намеравад. Ҷейден Смит маҳорати хуби актёрӣ ва сарояндагӣ дошта, ният дорад, ки албоми худро ба мухлисон пешниҳод намояд. Ба ғайр аз сарояндагӣ вай сафири ихтиёрии лоиҳаи «Замби» мебошад. Дастандаркорони ин лоиҳа кӯдакони ятиммондаи Замбиро, ки волидонашон аз бемории СПИД фавтидаанд, саробонӣ мекунанд.

 

  1. Эбигейл Бреслин ($ 12 млн)

Эбигейл Бреслин 21 сол дошта, дар суратҳисоби бонкиаш 12 млн доллар маҳфуз аст. Шуҳрат ва ин қадар маблағи калонро Эбигейл бо шарофати нақши  «Маленькая мисс счастье» ба даст овардааст. Ҳанӯз соли 2006 вай дар ин филми сертамошобин нақши асосиро бозида, ба қатори бачаҳои хушбахт, машҳур ва сарватманди дунё ворид гаштааст. Аз он сол инҷониб Эбигейл Бреслин дар филмҳои гуногун нақшҳои асосиро мебозад ва аз ҳисоби кинофилмҳо давлату сарваташ торафт зиёд шуда истодааст.

  1. Валентина Палома Пино ($ 12 млн)

Валентина Палома—духтари яке  аз бойтарин ҳунармандони дунё Салма Хайек мебошад. Ин духтараки 10- сола меросхӯри ягонаи волидонаш буда, айни замон боигариаш $ 12 млн-ро ташкил медиҳад. Ин 12 млн доллар танҳо нархи ҳамон қасре аст, ки дар он духтарак зиндагӣ мекунад. Бойигарии боқимондаашро вай баъд аз ҳаждаҳсола шудан ба даст хоҳад овард.

  1. Ник Д’Алойсио ($ 30 млн)

Ник Д’Алойсио—барномасози бритониёӣ мебошад, ки ҳанӯз дар 15 солагияш барномаи телефонии  “Summly”-ро сохта буд. Ин барнома матни дарозро кӯтоҳ мекунад ва барои фиристодан маблағ камтар сар мешавад. Барнома тарзе таҳия шудааст, ки мазмун иваз намешавад. Ин барномаро ширкати  Yahoo бо нархи 30 млн. доллар харидорӣ карду Ник дар 17-солагӣ ба қатори миллионерҳои ҷаҳон ворид гашт. Айни замон Ник Д’Алойсио 21 сол дошта, дар донишгоҳи машҳури   Оксфорд, дар ихтисоси   «Информатика» таҳсил мекунад.

  1. Дэннилин Биркхед ($ 59 млн)

Дэннилини 11- сола меросхӯри хурдакаки ҳунарманди машҳур-  Ларри Биркхеда ва модел Анна Никол Биркхед маҳсуб меёбад. Баъди марги модараш духтарак тамоми бойигарии ӯро ба мерос гирифтааст, ки он 59 млн долларро ташкил медиҳад. Дэннилин дар филмҳо нақш мебозад, ҳамзамон вай чеҳраи зебою ҳунари модарашро ба мерос гирифта, ба сифати модел молу маҳсулоти ширкатҳои калонтарини ҷаҳон муаррифӣ менамояд ва аз ин ҳисоб пули калон кор мекунад. Дэннилин Биркхед бештар либосҳои  Guess Girl-ро муаррифӣ намуда, бо ин ширкати машҳур шартномаи чандсола дорад.

Президенти Хорватия ҳам бо либоси кориву ҳам бо бикинӣ зебост

  1. Дугоникҳо Вивен и Нокс ($ 67 млн)

Вивен ва Нокс—фарзандони ҳунармандони машҳуртарини дунё Анҷелина Ҷоли ва Брэд Питт мебошанд. Ин дугоникҳо дар байни  дигар фарзандони ситораҳои Болливуд аз ҳама бойтар буда, соҳиби 67 млн. доллар мебошанд.

  1. Шоҳзода Ҷорҷ Александр Луи ($ 3 млрд)

Аз ҳама бойтарин кӯдаки дунё Шоҳзода Ҷорҷ Александр Луи маҳсуб меёбад. Ҷорҷ фарзанди  Шоҳзода  Уилям ва Кейт Миддлтон мебошад. Вай 22-юми июли соли 2013 таваллуд  шудааст. Ҳанӯз дар дусолагӣ Ҷорҷ миллиардер буд. Ба ғайр аз кӯдаки бойтарини ҷаҳон буданаш Ҷорҷ Александр Луи вориси тоҷу тахт буда, дар оянда шоҳи Британияи Кабир аст. Ва ин далел, ки вай намояндаи оилаи шиҳӣ аст, Ҷорҷро соҳиби бартариҳои зиёде гардонидааст.

Нет комментариев

Также рекомендуем

Маросими супоридани нусхаи эътимодномаҳо аз ҷониби Сафири Британияи Кабир

Санаи 27-уми январи соли 2015 Вазири корҳои хориҷии Ҷумҳурии Тоҷикистон Сироҷидин Аслов Сафири навтаъйиншудаи Шоҳигарии Муттаҳидаи Британияи Кабир ва Ирландияи Шимолӣ дар Ҷумҳурии Тоҷикистон Ҳю Стэнли ...