11 сирри «ғайриоддӣ»-и зебоӣ

1951

Борҳо дар бораи зебоӣ шунидаему хондаем. Аммо ин дастуру воситаҳое, ки онҳоро дар шароити хона низ дастрас кардан мумкин аст, ҳамчун воситаи нигоҳдорандаи зебоӣ пешкашатон мегардад.

Шояд на ҳама донанд, ки сабӯсаки сарро метавон бо доруи аспирин табобат кард. Он пӯсти беҷоншудаи сарро резонда, решаҳои мӯйро мустаҳкам мекунаду ба дарозшавӣ мусоидат менамояд. Ҳар як шампуне, ки зидди сабӯсак аст, дар таркибаш ҳамин гуна дору дорад. 10-12 дона доруи аспиринро дар як стакон оби гарм ҳал кунонед. Пасон ин обро ба решаҳои мӯйҳои тоза молида, маҳс кунед. Пас аз ин амал мӯйҳоятонро ҳатман шӯед, ҳангоми шустан метавонед аз кондитсионер барои мӯйҳо истифода баред.

Шумо ба ҷойе шитоб мекунед, вале саратон ношуста асту вақти шустан ҳам надоред. Ҳеч гап не, барои тобиши тозагӣ бахшидан ба решаҳои мӯй пудра ё ин ки присипка пошед.

Гармичаро метавон тавассути хамираи дандоншӯӣ табобат кард. Барои ин, каме хамираи дандоншӯиро ба рӯйи гармича моледу пас аз 10-15 дақиқа шӯед.

Барои ба пӯсти худ тобиши офтобхӯрда додан пудраи рангаш торикро бо креме, ки барои бадан пешбинӣ шудааст, якҷоя карда молед.

Равғани зайтун барои тоза кардани макияжи чашм тавсия дода мешавад.

Агар хоҳед, ки дандонҳоятон сафедии худро гум накунанд, бештар қулфинай истеъмол намоед. Зеро дар таркиби қулфинай кислотаи себӣ, ки бо пардаи зарди дандон мубориза мебарад, зиёд аст. Барои мустаҳкам намудани дандонҳо бошад, қулфинайро кӯфта, ба ҷойи хамираи дандоншӯӣ истифода баред.

Барои нест кардани пӯсти шахшӯлшудаи пойҳо аз қум ва оби баҳр истифода баред. Танҳо пас аз ин гуна амал кӯшиш кунед, ки зери офтоб зиёд нашинед.

Агар як қошуқча сиркоро дар 3 литр об ҳал кунонда, мӯйҳоятонро чайқонед, онҳо ҷилои тоза пайдо мекунанд. Барои пӯсти аз шуоҳои офтоб сӯхта низ метавонед аз ин омехта истифода баред. Танҳо пас аз ин истифодаи омехтаи сирко мӯйҳою баданро боз як маротибаи дигар зери оби тоза шӯед.

Агар хоҳед, ки лак барои нохунҳо ғафс нашавад, онро дар яхдон нигоҳ доред.

Ҳангоми қабули ҳаммом баданро аввал бо оби гарм шӯед. Зеро танҳо оби гарм метавонад чирк ва равғани баданро тоза кунад.

Барои рафъ намудани халтачаҳои зери чашм шаммаи чой ба шумо кӯмак мекунад. Барои ин, шаммаи чойро зери чашм гузошта, муддате нигоҳ доред. Пасон бо пахта гирди чашмонро пок кунед.

1 КОММЕНТАРИЙ

  1. Аксараш ба занхо будаатс ку.. Дар бораи хамираки дандоншуи, мегуянд гармичахоро намегирионад…. Месузонаду намеравад))
    Дар бораи Аспирин як карда мебинам… аммо холо сабусак надорам

ОСТАВЬТЕ ОТВЕТ

Лимит времени истёк. Пожалуйста, перезагрузите CAPTCHA.