1101 довталаб барои дарёфти квотаи Президентӣ

0
3 724 просмотров

Дар толори Раёсати маорифи  вилоят бо иштироки масъулини раёсату шуъбаҳои маорифи шаҳру ноҳияҳо семинари дастурдиҳӣ оид ба ташкилу гузаронидани сӯҳбат барои дарёфти квотаи Президентӣ ҷиҳати дохилшавӣ ба мактабҳои олии ҷумҳурӣ доир гардид.

Гуфта мешавад, ки имсол барои дохилшавӣ ба мактабҳои олӣ тариқи суҳбат тибқи квотаи Президенти Ҷумҳурии Тоҷикистон ба 17 шаҳру ноҳияҳои вилоят 340 ҷой, аз ҷумла 177 ҷой барои писарон ва 163 ҷой барои духтарон ҷудо шудааст. Барои дарёфти квотаи Президентӣ 1101 нафар довталабон ширкат меварзанд.

Қайд гардид, ки дар 5 минтақаи вилоят аз 1 то 15-уми июн суҳбат бо довталабон  аз ҷониби комиссияи  Вазорати маориф ва илми Ҷумҳурии Тоҷикистон доир мегардад.

Ба масъулин дастур дода шуд, ки дар мавриди интихоб ва пешниҳод намудани довталабон бештар ба хонандагони ятиму бепарастор, аз оилаҳои камбизоат, сокинони минтақаҳои дурдаст  афзалият дода шавад. Дар ин бора аз хадамоти матбуоти Раиси вилоят иттилоъ медиҳанд.

Нет комментариев

Также рекомендуем

%d такие блоггеры, как:

Сообщить об опечатке

Текст, который будет отправлен нашим редакторам: