19-умин намоишгоҳи байналмилалии инноватсионӣ дар Тоҷикистон

0
1 045 просмотров

9-умин Намоишгоҳи байналмилалии таълимӣ, сайёҳӣ ва инноватсионии ширкати муштараки Тоҷикистону Малайзия «TM-International» бо дастгирии Ҳукумати Ҷумҳурии Тоҷикистон 11 ноябр оғоз гардида, то рӯзи 16- уми ноябри соли равон идома меёбад.
Тавре аз Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон хабар доданд, 11 ноябр дар меҳмонхонаи «Шератон»-и шаҳри Душанбе бо иштироки намояндагони Вазорати маориф ва илми Ҷумҳурии Тоҷикистон, Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон, намояндагони донишгоҳу донишкадаҳои дохил ва хориҷи кишвар, инчунин хонандагони муасисаҳои таҳсилоти миёнаи умумии шаҳри Душанбе намоишгоҳ ифтитоҳ гардида, он то 16 ноябр дар шаҳрҳои Хуҷанд, Қӯрғонтеппа ва Турсунзода идома меёбад.
Намоишгоҳи таълимӣ бо мақсади густариши ҳамкорӣ дар самти омода намудани мутахассисони касбӣ, фароҳам овардани фазои мусоид барои мубодилаи иттилоот миёни донишгоҳҳо, нишон додани таҷрибаи байналмилалӣ дар воридоти технологияҳои инноватсионӣ, муаррифии имкониятҳои туристии кишвар ва ҷалби бештари сармоя дар рушди инфрасохтори соҳаи сайёҳӣ ташкил карда шудааст.

Манбаъ: АМИТ «Ховар»

Нет комментариев

Также рекомендуем

Тиҷорат – омили камшавии саршумори шоҳин

Паҳншавии  парандаи шоҳин дар нишебиҳои шимоли қаторкӯҳи Туркистон, ғарби қаторкӯҳи Зарафшон, доманаи нишебиҳои қаторкӯҳи Ҳисор, нишебии қаторкӯҳҳои Боботоғ, Оқтов, Қаротегин, Ҳазратишоҳ, Қаратов ва Дарвоз лона ...
%d такие блоггеры, как:

Сообщить об опечатке

Текст, который будет отправлен нашим редакторам: