Бисёрии одамон фасли тобистонро дўст медоранд, зеро дар ин мавсими сол ҳаво гарм аст, ҳама ба таътили тобистона мераванд, мардум барои истироҳат ба мавзеъи зебоманзари табиат сафар мекунад. Вале як мушкилот ҳамеша ба истироҳати одамон халал мерасонад, ин хомўшакҳо мебошанд, ки истироҳатчиёнро безобита мекунанд. Инак хушхабар! Барои бартараф намудани ин мушкилот ширкати LG телевизоре истеҳсол намуд, ки хомушакҳоро метарсонад ва дур месозад. Ин чунон як навиди ғайриоддии технологӣ мебошад, ки аз он бехабар мондан ғайриимкон аст.
Ман дар ҳайрат намешудам, агар ин як шўхӣ барои ҷалб намудани таваҷҷўҳ ба маҳсулоти ширкат мебуд. Вале дар сомона, дар ин бора маълумоти пурра оварда шудааст. Ана ин телфони модели 32LH520D мебошад, ки вобаста ба диагонали худ аз 80 то 108 дюйм нархаш аз 400 то 700 долларо ташкил медиҳад.
Дар асл ин гуфтаҳои боло сафсата нест. Телевизори мазкурро ширкати LG махсусан барои Ҳиндустон кашф намудааст. Хабар дода мешавад, ки соли гузашта танҳо дар як худи Ню-Деҳли 16 000 ҳолати сиёроятёбӣ аз табларзаи денге ба қайд гирифта шуда буд, ки онро хомўшакҳо паҳн мекунанд. Баҳри кўмак намудан барои ҳалли ин мушкилот LG қарор дод, ки технологияи Mosquito Away-ро кашф намуд ва онро дар модели телевизор истифода бурд. Лекин номаълум аст, ки чаро функтсияи мазкурро танҳо дар як телевизор ҷойгир намуданд. Зеро метавонистанд технологияи Mosquito Away-ро дар тамоми телевизорҳое, ки ба бозори мамлакати Ҳиндустон мебароранд, ҷойгир намоянд. Ду сол қабл аз ин Mosquito Away-ро ба кондитсионерҳо насб намуда буданд, яъне ин технологияро ба дилхоҳ техникаи ширкатҳои дигар насб кардан мумкин аст.
Ҳангоми ба қувваи барқ пайваст намуани ноқили телевизор гаджет ба баровардани мавҷҳои ултрасадо оғоз мекунад. Барои инсон он ноаён ва безарар мебошад. Вале аз ин чиз ҳомўшакҳо тарсида, ба дурӣ парвоз карда мераванд. Яъне ин пошдиҳак ё ягон моддаи кимиёвӣ нест, ки таркиби ҳаворо вайрон кунад. Ин функтсия ба одам ягон хел зарарр намерасонад ва натиҷаи хуб медиҳад. Ба ғайр аз ин технология пас аз хомўш кардани телевизор низ бояд кор кунад. Аз ин рў агар дар ҳуҷра бо 32LH520D хоб кунед, хомўшак тамоман ба Шумо наздик намешавад ва намегазад. Ҳамин тавр, нархи он низ гарон нест. Дар бораи нақаши истеҳсол намудани ин технология барои бозори дигар LG ҳоло чизе намегўяд. Бояд гуфт, ки ин телевизори истеҳсол кардаи ширкат телевизори муқаррарӣ мебошад. Андозаи он 1366 ба 768 буда, гирди экрани он борик мебошад ва поякҳо дорад, вале он ҳоло дорои смарт функтсия нест.
Нет комментариев