24 зебосанами тоҷик аз нигоҳи pic-words

0
2 706 просмотров

Сомонаи pic-words.ru аксҳои зеботарин духтарони тоҷикро нашр кардаст. Ба он сарояндагони машҳури тоҷик Нозияи Кароматулло ва Меҳринигори Рустам низ дохиланд.

Нозияи Кароматулло 7-уми феврали соли 1988 дар шаҳри Душанбе аз оила санъаткорон таваллуд шудааст. Оиладор мебошад.
Нозия духтари Ситораи дурахшони эстрадаи тоҷик Кароматулло Қурбонов аст. Кароматулло Қурбонов сарояндаи дӯстдоштатарини мардум буд. Бародару додарон ва падари ӯ низ бо сарояндагӣ ва навозандагӣ дар асбобҳои мусиқӣ машғул буданд.

17-уми октябри соли 1992 пас аз вафоти падар аз дасти қотилон Нозия дар дасти модар ва пайвандони падар ба воя расид. Вай хеле барвақт қобилияти мусиқии худро маълум намуд. Ба дӯстдории беандозаи суруду тарона ва оҳангу мусиқӣ муҳити фарогирифтааш таъсир расонд. Зеро ҳамаи наздиконаш бо санъату мусиқӣ пайванд буданд.

Духтаракро барои таҳсил ба Мактаби мусиқии машҳури ба номи Малика Собирова супориданд, ки онро Нозия соли 2005 хатм намуд.

Баъд аз гирифтани дипломи маълумоти миёна Нозия ба Консерваторияи давлати Ҳиндустон ба шӯъбаи вокал ва хореография дохил шуд. Ҳангоми таҳсил духтарак фарҳанги мардуми ҳиндро ба худ хеле хуб қабул кард. Аллакай дар вақти таҳсил дар курси дуюм Нозия дар озмуни миллии рақс бо номи «Катак» иштирок намуд, ки дар шаҳри Деҳли гузаронида шуд ва дар озмун Ҷоизаи аввалинро соҳиб гашт.

Соли 2010 сарояндаи боистеъдод донишгоҳро бо дипломи сурх хатм кард. Бо баробари ба Ватан баргаштан, Нозия ба чунин қарор омад, ки ихтисоси дуюмро соҳиб шавад ва ба факултети муносибатҳои байналхалқии Донишкадаи соҳибкорӣ ва хизматрасонии Душанбе дохил шуд ва онро соли 2015 хатм намуд.

Нозия – ягона сароянда дар Тоҷикистон мебошад, ки бо забони ҳиндӣ месарояд ва техникаи рақси ҳиндиро хуб медонад. Соли 2010 дар Душанбе сароянда нахустин консерти худро пешкаши тамошобинон намудааст. Барои мухлисони сершумораш дар давоми 7 сол  4 албоми хешро пешниҳод кард.

Суруди аввалинаш бо номи «Дидаи дил» омода шуда, Нозияи Кароматуллоро маъруф гардонд. Дар давоми 7 соли фаъолияти эҷодӣ наздик 40 клипи хешро омода ва пешкаши мухлисон кардааст.

Манбаъ: Сомонаи Тоҷикистон таймс

 

Нет комментариев

Также рекомендуем