Сӣ идрори сафорати Ҳиндустон барои донишҷӯён

5
3 022 просмотров

ddh-adminНамояндагони сафорати Ҳиндустон Касум Лата Яда,   котиби дуюми соҳаи маориф  ва Гопал Салем, ассистенти бахши мазкур ба Донишгоҳи давлатии Хуҷанд ба номи академик Б. Ғафуров омада, барномаҳои худро ба муҳассилини донишгоҳ муаррифӣ намуданд. Номбурдагон зимни ташриф ба донишгоҳ барномаи идрории   дарозмуддати ICCR  The  Indian Culture Centre Сoordinate  Маркази  ҳамоҳангсозии фарҳангии Ҳиндустонро муаррифӣ намуданд, ки дар он зиёда аз 80 нафар муҳассил, аз қабили бакалаврону магистрантон, унвонҷӯёну аспирантон ва устодони факултетҳои гуногуни донишгоҳ ширкат варзиданд. Гуфта шуд, ки барнома аз ду то панҷ сол ғолибонро дар зинаҳои бакалавриату магистратура ва аспирантура бо идрори ҳармоҳа, ки 300 доллари ИМА-ро ташкил медиҳад,  таъмин менамояд. Ҳамчунин барнома чиптаи тайёраро аз Тоҷикистон ба Ҳиндустон ва бозгаштро танҳо як маротиба ба зиммаи худ гирифтааст.  Дар давоми ду рӯзи корӣ аз довталабон нахуст имтиҳони хаттӣ гирифтанд, ки дар он қариб 70 нафар иштирок намуд ва рӯзи дигар суҳбатҳои инфиродӣ гузаронида шуд, ки дар он зиёда аз 30 нафар иштирок кард.

Дар ин бора khovar.tj хабар медиҳад.

5 comments

Опубликовать новый комментарий

Также рекомендуем

%d такие блоггеры, как:

Сообщить об опечатке

Текст, который будет отправлен нашим редакторам: