300 ҳазор тамошобин дар YouTube

0
988 просмотров

Ӯ соҳиби «Гран-при»-и озмуни бачагонаи «Чӯҷаи заррин» (2003 с.), ғолиби фестивали сурудҳои мардумӣ (шаҳри Кӯлоб, соли 2005). Соли 2006 Меҳрнигор дар «Бозиҳои Delphic», ки ин бози дар шаҳри Алма-Ато гузашт, дар байни ҷавонону наврасон ҷои якумро гирифт ва ӯро бо медали тиллои сарфароз намуданд.

Соли 2014 бошад, Меҳрнигор барои суруди дилнавозаш бо номи «Таронаборон» ҷоизаи «Tamoshow Music Awards» сазовор шуд. Меҳрнигори Рустам дар оилаи санъаткорони ноҳияи Ховалинг 14 октябри соли 1994 таваллуд шудааст. Меҳрнигор аз хурди духтараки чаққон, боғайрат ва шавқу рағбати беандоза нисбат ба сурудхонию мусиқӣ дошт. Инро волидайнаш дида, ӯро дар вақти панҷсолагиаш ба Мактаб-интернати мусиқӣ ба номи Малик Собирӣ оварданд. Меҳрнигори Рустам соҳиби бисёр унвонҳою ҷоизаҳо мебошад.

Соли 2007 ду фитта (диск)-и худро, бо номи «Тоҷикистон» ва «Шодиёна» пешкаши мухлисонаш намуд ва то ҳол иштирокчии ҳамешагии чорабиниҳои консертии ҷумҳуриявӣ мебошад. Дар соли 2017 таронаи дилнишини “Мутмаинам”-ро барои мухлисонаш пешкаш намуд, ки миқдори тамошобинонаш дар YouTube зиёда аз 300 ҳазор нафарро ташкил дод. Ин суруди ҷолибаш ба дигар сарояндагони хориҷа писанд омад ва онҳо баҳои баланди худро доданд.

Мухлисони Меҳрнигори Рустам умедворанд, ки дар соли 2018 ӯ барои ҳаводоронаш боз сурудҳои ҷолибу рангин ва клипҳои беҳтаринашро пешкаш мекунад.

Нет комментариев

Также рекомендуем