Ширкати BeeHex аз иёлоти Оҳаёи Амрико бо баровардани 3D-принтерҳо, ки рizza-ро аз чоп бароварда метавонанд, машғул шуданист. Барои ин, онҳо аллакай маблағгузоронро пайдо карданд. Маблағгузорон баҳри истеҳсол намудани аввалин чунин дастгоҳ 1 миллион доллар маблағ ҷудо кардаанд. Принтер Chef 3D ном дошта, мувофиқи дархости мизоҷон питсаҳои гуногуншаклу гуногунҳаҷмро бо намуди муайян ва ё аз рӯи ягон расм тайёр карда метавонад. Ба ғайр аз ин, дастгоҳ хоҳишро мувофиқи маҳсулот ба инобат мегирад ва бино бар ин, питсаро бе глютен омода карда метавонад.
Стартап нақша дорад, ки ба ин лоиҳаи коркард намудаи худ шабакаҳои бузурги питсерияҳоро ҳавасманд намояд. Аз ин рӯ, роҳбари BeeHex дар ин кор нисбатан зиндадилона амал мекунад. Мувофиқи суханони вай, бисёрии соҳибмулкони каҳвахонаву тарабхонаҳо мехоҳанд, ки ба мизоҷон хӯрокаи махсуси худро пешкаш намоянд. Аммо намехоҳанд, ки кормандонашон бо таҳсили гаронбаҳои омӯзиш фаро гирифта шаванд ва инчунин худи хӯрокаи барои фармоиш тайёр карда шуда низ нисбат ба хӯрокаи муқаррарӣ барои мизоҷ хеле қиммат мефарояд.
Принтери Chef 3D барои ихтисор намудани хароҷоти истеҳсолӣ ва паст кардани нархи омӯзиши кормандон кӯмак мерасонад. Зеро тайёр кардани хӯрокаи «чопӣ» дар тартиби кори пурра худмухторонаи дастгоҳ ҷараён мегирад.
Аз инҷо хулоса баровардан мумкин аст, ки ба наздикӣ тиҷорат бо принтери ғайриоддӣ
ба авҷи аълояш хоҳад расид. Вале дар бораи санаи аниқи аз истеҳсол баромадани принтери Chef 3D ҳоло чизе намегӯянд.
Нет комментариев