Андозаи бузург метавонад ҳар чизеро машҳури олам гардонад. Масалан, муҷассамаҳоро, ки намунаҳои бузурги он садсолаҳо дар рӯйи замин қоматафрозӣ мекунанд. Мо 5 муҷассамаи бузургтарини оламро, ки аз 40 метр беш баландӣ доранд, муаррифӣ мекунем.
Муҷассамаи Вашингтон — 169 метр
Ин муҷассама дар шаҳри Вашингтон ҳамчун рамзи хотираи абадӣ ба ифтихори Президенти нахустини ИМА Ҷорҷ Вашингтон бунёд карда шудааст. Он замон, то бунёди манораи Эйфели Париж баландтарин муҷассамаи рӯйи замин ба шумор мерафт.
Лечжун Сасачжа — 116 метр
Ин иншооти бузурги муҷассамавии Буддои ростистода дар музофоти Сикайни кишвари Мянма сохта шудааст. Буддои дигарӣ, ки дар ҳолати хуфта 17 сол қабл аз он дар пойгоҳи 13,4- метра эҷод гардида буд, ба ин нишондод шомил нест.
«Ватан-Модар даъват мекунад!» — 85 метр
Муҷассамаи «Родина-Мать зовёт!» барои ҳар нафари замони шӯравӣ ошност. Иншооти мазкур ба муҷтамеи «Героям Сталинградской битвы» дахл дошта, дар Қӯрғони Мамаеви шаҳри Волгогради Русия қомат афрохтааст. Муҷассама замони сохта шуданаш дар ҷаҳон баландтарин ба шумор мерафт. Қаду қомати зан бе шамшер ба 52 метр баробар аст.
Муҷассамаи Чингизхон — 50 метр
Муҷассамаи асосгузори империяи муғулҳо — Чингизхон дар шаҳри Сонжин-Болдоги кишвари Муғулистон бунёд гардидааст. Аспи бузург бо саворааш дар болои нигорхонаи бадеӣ насб карда шудааст. Дар болои калаи асп майдончаи тамошо ҷойгир аст.
Исои Масеҳи шикаста — 25 метр
Ин муҷассамаи Исои Масеҳро дар шаҳраки Сан-Хосе-де-Грасияи Мексика ҳар сол то 100 ҳазор нафар зиёрат мекунад.
Нет комментариев