Мо чунон ба клавиатура ва мушак  одат кардаем, ки он як ҷузъӣ ҷудонашаванда ва  муқаррарии фаъолияту зиндагии мо гардидааст.

Дар навбати худ, ҳар як чизи оддитарин низ хусусият ва функтисияҳои ғайричашмдошт дорад. Имрӯз мо мехоҳем, Шуморо бо якчанд тарзҳои истифодаи мушаки компютер шинос кунем.

1. Ҷудокунии қисмати матн

Мо ҳама медонем, ки барои ҷудокунии матн бояд тугмачаи чапи мушак пахш карда шуда, бо курсор ба қисми  лозимии матн  гузаронида шавад.  Аммо агар Шумо хоҳед, ки матнро ба саҳифаи калон ҷудо кунед, яъне онро давр занонед, на ҳама вақт ин кор бо осонӣ иҷро мегардад. Барои ҳамин комбинатсияи навбатиро истифода баред: дар аввали ҷои даркорӣ мушакро пахш кунед, баъдан ба охири матни ҷудошуда гузашта, Shift-ро нигоҳ дошта, онро дубора пахш кунед. Ҳамаи фосилаҳои байни ду нидо (клик) ҷудо мешаванд.

2. Гузаришҳои ба ақиб-ба пеш дар  браузер

Дар браузер барои гузариш ба саҳифаҳои пешина ва оянда зарур нест, ки тугмачаҳои дахлдорро дар панели асбобҳои барнома пахш намуд. Бояд танҳо Shift-ро фишор дода, чархаки мушакро ба пеш ё қафо тоб дод.

3. Калон ва хурд кардани андоза (масштаб)

Шумо  метавонед андозаи саҳифаи кушодаи тасвиршударо тагйир диҳед. Барои ин кор танҳо мебояд скролли дар як вақт, дар клавиатура бо тугмачаи CTRL фишурдашударо  тоб дод. Ин усул бо миқдори зиёд дар барнома корбарӣ карда мешавад, аз ҷумла дар аксарияти аксҳои инъикосшуда.

4. Нидои (клик) дугона ва сегона

Ҳамагон медонанд, ки барои ҷудо кардани калима, бояд танҳо ду маротиба , бо тезӣ  мушакро пахш намуд.  Агар Шумо се маротиба мушакро пахш кунед, пас метавонед якбора сарсатр (абзац)-и пурраи матнро ҷудо кунед. Санҷида бинед, ин тадбир нисбат ба курсорро то охири сарсатр кашида, ҷудо кардан, хеле қулай аст.

5. Бо тарафи рости мушак, аз як ҷой ба ҷои дигар кашонидан.

Барои он ки,  файлҳоро дар Windows ҷой намуд, мо усули drag’n’drop-ро истифода мебарем, яъне мо элементро гирифта,  аз як ҷой ба ҷои лозима мепартоем. Аммо ин корро метавон бо тугмачаи рост низ иҷро намуд.  Дар он вақт мо номгӯи матнро метавонем бинем. Он  натанҳо вазифаи ҷойгиркуниро иҷро мекунад, балки метавонад файлро нусхабардорӣ карда, дар ҷойҳои зарурӣ ярликро ба вуҷуд оварад.

6. Интихоби якчанд порчаҳо дар матн

Шумо бо матни дароз сарукор доред ва мехоҳед танҳо порчаи ба худатон даркориро бурида гиред?  Барои ин кор зарур нест, ки онро ба қисматҳо  ҷудо кунед.  Метавонед тугмаи CTRL-ро фишурда, калимаҳои зарурӣ, аз ҷумла калима, ҷумла ва сарсатрро ҷудо кунед.

Сипас  ҳамаи  онро фавран ба ҷои лозима нусхабардорӣ кунед.

7. Кушодани маъхаз дар иловаҳо (вкладка)-и нав

Барои кушодани маъхаз дар иловаи нав, метавон тугмаи миёнаи мушакро пахш намуд, ки ба ин кор аксарияти истифодабарандагон кайҳост, ки одат кардаанд. Аммо, агар чархакҳо шикаста бошанду нидо накунанд, пас бояд ба хотир овард, ки тугмаи  CTRL маҳз  ҳамон амалро иҷро мекунад.

Сарчашма: matrix-tv.tj