Ҷаҳонгир Маҷидов қаҳрамони мусобиқоти Ҷоми Аврупо шуд

0
775 просмотров

Мусобиқоти гӯштингирии «Tula Cadet European Cup-2017» бо иштироки беш аз 200 дзюдочиёни ҷавон дар шаҳри Тула баргузор шуданд.
Ҷаҳонгир Маҷидов

Ҷавонпаҳлавони тоҷик Ҷаҳонгир Маҷидов дар вазни то 81 килограмм Қаҳрамони Ҷоми дзюдои Аврупо шуд. Дар мусобиқоте, ки дар шаҳри Тула санаи 1-уми апрел доир шуданд, Ҷаҳонгир дар оғоз бар рақиби нерӯмандаш Мансур Лорсанов аз Русия пирӯз шуд. Сипас баҳодури қазоқ Избассар Ералиев ва гуштингир Размик Баравиро аз Русия шикаст дод. Дар зӯрозмоии ниҳоӣ дар вазни то 81 килограмм ӯ бо паҳлавони гурҷӣ Гоча Гвачлианӣ ба майдон баромад ва ӯро дар охирин сонияҳо ба тахтапушт хобонд. Бино ба иттилоъ Ҷаҳонгир Маҷидов як моҳ пеш низ дар мусобиқоти Ҷоми Аврупо дар шаҳри Анталия медали нуқра ба даст оварда буд. Ин ҷавонпаҳлавони тоҷик дар раддабандии вазни то 81 килограмм дар ҷаҳон мақоми аввалро дорад.

Дар мусобиқоти гуштини Ҷоми Аврупо дар шаҳри Тула дастаи мунтахаби миллии Тоҷикистон иборат аз Муҳаммадсино Баҳодурзода (55 кг), Фаррух Файзализода (55 кг), Сафарғанӣ Қурбонбеков (60 кг), Сироҷиддин Бобоев (60 кг), Абдулло Неъматов (66 кг), Ҷамолиддин Абдуллоев (66 кг), Суруш Тавакалов (66 кг), Ҷаҳонгир Маҷидов (81 кг), Хушвахт Идиев (81 кг), Меҳроб Тағоймуродов (81 кг), Масъуд Мунавваров (90 кг) ба роҳбарии Рускидин Раҷабов иштирок кард.

Манбаъ: http://sputnik-tj.com/news/

Нет комментариев

Также рекомендуем

Таъиноти кадрӣ дар баъзе аз вазорату идораҳо

Имрӯз бо натиҷагирӣ аз фаъолияти баъзе вазорату идора, сохторҳои низомӣ, ҳифзи ҳуқуқу тартибот ва мақомоти иҷроияи ҳокимияти маҳаллӣ Асосгузори сулҳу ваҳдати миллӣ, Пешвои миллат мӯҳтарам ...
%d такие блоггеры, как:

Сообщить об опечатке

Текст, который будет отправлен нашим редакторам: