Қаҳрамони 10-солаи тоҷик ҷаҳонро тасхир кард

0
3 292 просмотров

Сафиаллоҳи Муҳаммадалӣ, ки ҳамагӣ 10 сола аст, давоми 4 соли бо варзиш машғул шуданаш дар мусобиқаҳои байналхалқиву дохили кишвар  байни наврасон ва ҷавонон иштирок намуда, аллакай зиёда аз 40 медалро ба даст овардааст.


Ӯ чемпиони чоркаратаи Ҷумҳурии Тоҷикистон оид ба намуди гӯштини Ҷиу Ҷитсуи Бразилиягӣ, гӯштингирӣ беҳтарин аз рӯи намуди гӯштини миллӣ дар соли 2017, ҳамчунин номзад ба устоди варзиш аст.
Сафиаллоҳ аз синни 6-солагӣ дар мактаби махсуси гӯштини шаҳри Хуҷанд намудҳои варзиши гӯштини самбо, Ҷиу Ҷитсуи Бразилиягӣ ва Дзюдоро азхуд мекунад. Дар Чемпионати ҷаҳон, ки моҳи апрели соли 2017 дар Дубай гузаронида шуда буд, аз байни иштирокчиёни 150 давлат миёни наврасони аз 12 то 15 сола Сафиаллоҳ медали биринҷиро ба даст овард. Ӯ дар мусобиқаи ҷаҳонӣ ду ҳарифаш: яке аз Монголия дигаре аз Арабистони Саудиро мағлуб карда, аз варзишгари Федератсияи Русия шикаст хӯрда, ҷои сеюмро гирифта буд.


Ӯ фарзанди сеюми оила мебошад, бародараш низ варзишгар буда, ба дастовардҳои назаррас ноил гардидааст. Сафиаллоҳ дар чемпионати ҷаҳон, ки аз рӯи намуди варзиши Ҷиу Ҷитсуи Бразилиягӣ моҳи апрели соли 2018 дар Дубай гузаронида мешавад, Ҷумҳурии Тоҷикистонро муаррифӣ хоҳад кард.

Сафиаллоҳ дар оянда мехоҳад дар мусобиқаҳои сатҳи шаҳриву вилоятӣ, инчунин ҳудуди кишвар ва Осиёву ҷаҳон иштирок намояд ва парчами кишварро дар арсаи ҷаҳон боло бардорад.

Нет комментариев

Также рекомендуем

Пешниҳоди Андиро Зулайхо хуш қабул кард

Зулайхо Маҳмадшоева, сарояндаи попи тоҷик бо суруду таронаҳои дилнишинаш дунёро тасхир намудааст. Консертҳои Зулайхо дар Аврупо, Шветсия ва Москва баргузор гашта, ин зебосанам бад-ин васила ...