Қабули эътиборномаи Сафири Тоҷикистон дар Эфиопия

0
83 просмотров

Раиси Ҷумҳурии Федеративии Демократии Эфиопия Мулату Тешоме дар Кохи миллат дар Аддис-Абеба эътиборномаи Сафири Фавқулода ва Мухтори Ҷумҳурии Тоҷикистон Хусрав Нозириро қабул намуд.

Тавре аз Вазорати корҳои хориҷии Ҷумҳурии Тоҷикистон хабар доданд, дар суҳбате, ки пас аз поёни маросими супоридани эътиборнома сурат гирифт, роҳбари давлати Эфиопия изҳори умедворӣ намуд, ки таъйин гардидани нахустин сафири тоҷик дар кишвари ӯ ба густариши бештари муносибатҳои дуҷонибаи дӯстӣ ва ҳамкорӣ байни Тоҷикистон ва Эфиопия мусоидат кунад. Бо ишора ба масъалаҳои истифодаи оқилонаи захираҳои табиӣ, Раисҷумҳури Эфиопия ба аҳамияти ҳамкории ду давлат дар ин замина дар арсаи байналмилалӣ таъкид намуд.

Дар поёни суҳбат Раисҷумҳури Эфиопия ба мардум ва кишвари Тоҷикистон орзуи сулҳи пойдор ва пешрафту шукуфоии бештар карда, хоҳиш намуд, ки дуруду паёми ӯ ба Президенти Ҷумҳурии Тоҷикистон Эмомалӣ Раҳмон расонида шавад.

Манбаъ: АМИТ “Ховар”   

Нет комментариев

Также рекомендуем

Вазъи қурби асъор барои имрӯз 11.08.2017

Бонки миллии Тоҷикистон (БМТ) имрӯз, 11-уми август бо мақсади ҳисобгирии муҳосибӣ ва пардохтҳои гумрукӣ қурби расмии асъори хориҷиро чунин муайян кардааст: 1 доллари ИМА = ...