Ҳадаф — баланд бардоштани маърифати экологӣ

0
531 просмотров

Ҳамон тавре иттилоъ доред, бо иқдоми наҷиби ШТРР “Тирози Ҷавонӣ” ва Медиапортали “Тироз” Лоиҳаи мултимедиявӣ (бисёррасонавӣ)-и “Харитаи экологӣ”-и шаҳри Хуҷанд бо дастгирии ҳамаҷонибаи Мақомоти иҷроияи ҳокимияти давлатии шаҳри Хуҷанд дар амал татбиқ шуда истодааст.

mkrn-13-sh-hu-and

Лоиҳа 10 маҳалла ва микроноҳияи шаҳрро ҳамчун минтақаҳои таҷрибавӣ дарбар мегирад, ки инҳо: маҳаллаҳои Пахтакор, Раззоқ, Панҷшанбе, Гулбаҳор, Бофандаи соҳили чапи дарё ва микроноҳияҳои 8-ум, 13-ум, 20-ум, 32-юм ва 34-уми соҳили рости дарё мебошанд.

Гурӯҳи корӣ дар ҳамкорӣ бо идораву шӯъбаҳои дахлдори мақомот ин ҳафта низ корҳои зарурӣ вобаста ба лоиҳа анҷом доданд.

32-y-mkr-n-dom-20

Ҳамзамон, шаҳрвандони фаъол дар амалишавии лоиҳаи “Харитаи экологӣ”-и шаҳри Хуҷанд иштирок карда истода, аксҳои бо таҷҳизоти мобилии худ гирифтаашонро вобаста ба тозагии муҳити зист тавассути Вотсапп (Whatsapp) ба рақами 92-882-66-66 ирсол намуданд.

32-y-mkr-n-dom-80-katelnaya

Бахусус дар чанд рӯзи охир аксҳои партов аз назди биноҳои 20-ум ва 80-уми микроноҳияи 32-юм,

34-y-mkr-okolo-doma-34

биноҳои 34-ум ва 58-уми микроноҳияи 34-уми шаҳри Хуҷанд ба мо расиданд. Мутаассифона аз аксҳои фиристодашуда пай бурдан мумкин аст, ки қуттиҳои партов холӣ ҳастанду партовҳо дар замин рехта шудаанд. Оё ин аз маърифати пасти экологии баъзе аз шаҳрвандон дарак намедиҳад?

34-y-mkr-dom-58

Мақсади асосии лоиҳаи “Харитаи экологии Хуҷанд” низ маҳз баланд бардоштани маърифати экологии шаҳрвандон аст. Хуб мешуд агар падару модарон партофтани партовро ба кӯдакону фарзандон супориш надода, худашон ин корро иҷро мекарданд. Зеро, шояд аз сабаби нарасидани қади бачагон, онҳо маҷбур шудаанд, ки партовро на ба дохили қуттӣ, балки ба замин ва аксар вақт дар нимароҳ партоянд.   

Ҳамзамон, чанд акс аз квартали 20-уми шаҳр тавассути Вотсапп ба мо расидаанд. Аксҳои фиристода дар бахши “Эко-Харита”-и Хуҷанди Медиапортали “Тироз” ҷой дода шудаанд ва ҳар яки Шумо метавонед аз онҳо дидан кунед.

Хонандагони азиз, Шумо низ метавонед дар самти тозагии муҳити зисти худ ва амалишавии Лоиҳаи “Харитаи экологӣ”-и шаҳри Хуҷанд саҳмгузор бошед.

Агар Шумо шаҳри худро дӯст доред ва нисбат ба тозаву обод нигоҳ доштани он, бахусус тозагии муҳити зист бетараф набошед, пайваста Бахши “Эко-Харита”-и Медиапортали “Тироз”-ро мутолиа намоед!

shomi-hu-and

Гурӯҳи кории Лоиҳаи “ХАРИТАИ ЭКОЛОГӢ”-и шаҳри Хуҷанд аз тамоми шаҳрвандон, бахусус ҷавонон ва насли наврас хоҳиш менамояд, ки чун ҳамешагӣ Хуҷандамонро дӯст ва муҳити онро ҳамеша тоза нигоҳ дорем!

Нет комментариев

Также рекомендуем

Команду Houston Rockets продали за $2,2 млрд

Новым владельцем клуба стал техасский миллиардер Тилман Фертитта, пообещавший с честью продолжать традиции Houston Rockets. До этого рекордной считалась покупка бывшим главой Microsoft команды Los ...