Наздик ду моҳ мешавад, ки Лоиҳаи “Харитаи экологӣ”-и шаҳри Хуҷанд дар амал татбиқ шуда истодааст.
Ин ҳафта низ сокинони маҳаллаҳои гуногуни шаҳр аксҳои гирифтаи худро дар мавзӯи тозагии муҳити зист, мавҷуд будани партов дар кӯчаву хиёбонҳо ва назди биноҳои истиқоматӣ тавассути Вотсапп (Whatsapp) ва Вайбер ба рақами 92-882-66-66 фиристоданд. Бахусус, аксҳо аз мавҷуд будани партов дар назди биноҳои нави бисёрошёнаи назди бинои рақами 4-уми маҳаллаи Бофанда,
кӯчаи ба номи Камоли Хуҷандӣ – қади роҳи назди Студияи телевизиони Суғд,
маҳаллаи 32-каме болотар аз гардиши “Ягодка”, бинои 89-и маҳаллаи 32-юм,
ҳатто аз ноҳияи Бобоҷон Ғафуров, шаҳраки Ғафуров-назди мактаби миёнаи рақами 18-ум ба мо дастрас шуданд. Аз аксҳо фаҳмидан мумкин аст, ки шаҳрвандон партовро дар ҷойҳои муқаррарӣ ва ғайримуқаррарӣ партофтаанд. Ҳамаи аксҳо дар бахши “Эко-Харитаи Хуҷанд”-и Медиапортали “Тироз” www.tiroz.org ҷой дода шудаанд.
Дӯстони азиз, аз ҳар яки Шумо хоҳиш менамоем, ки дар масъалаи тозагии муҳити зисти худ ва бо ин роҳ дар амалишавии Лоиҳаи “Харитаи экологӣ”-и шаҳри Хуҷанд саҳмгузор бошед!
Нет комментариев