Қадами бузурги “Истиқлол”ба финали Ҷоми AFC

0
520 просмотров

Дастаи «Истиқлол»-и Душанбе дар бозии аввали даври ниманиҳоии байниминтақавии Ҷоми Конфедератсияи футболи Осиё дастаи «Серес Негрос»-и Филиппинро бо ҳисоби калони 4:0 шикаст дод. Ду гол дар нимаи аввал ва ду голи дигар дар нимаи дуввуми дидор зада шуд. Ҳисобро Аҳтам Назаров дар дақиқаи 25-ум аз зарбаи ҷаримавии 11-метра боз кард. Голи дуввумро Ромиш Ҷалилов дар дақиқаи охирини нимаи аввали бозӣ ба ҳадаф расонд. Дар қисми дуввуми бозӣ, аниқтараш дар дақиқаи 67-ум, Манучеҳр Ҷалилов голи сеюмро ба тӯри дарвозаи меҳмонон зад. Голи чаҳорум ва ниҳоӣ низ ба Манучеҳр Ҷалилов марбут аст. Ӯ тӯбро дар дақиқаи 88-ум ба самар расонд. Бозии ҷавобӣ миёни дастаҳои “Истиқлол” ва «Серес Негрос» рӯзи 12-уми сентябр дар шаҳри Баколоди Филиппин барпо мегардад. Ғолиби ин ҷуфт ба даври баъдии Ҷоми AFC роҳ ёфта, дар финали байниминтақавӣ бо ғолиби ҷуфти «Бенгалуру» (Ҳиндустон) – «25 апрел» (Кореяи Шимолӣ) рақобат мекунад. Бозиҳои ниҳоии байниминтақавӣ 27-уми сентябр ва 18-уми октябр баргузор мешаванд.

 

Манбаъ: сомонаи расмии телевизиони «Варзиш»

Нет комментариев

Также рекомендуем

Тушбера ва интихоби дурусти он

Барои зуд тайёр намудани хӯрок бисёр вақт аз маҳсулоти нимтайёри гӯштин истифода мебарем, ки дар таркибашон намак ва иловагиҳо ҳамроҳ карда шудаанд, аммо ҳамин хел ...
%d такие блоггеры, как: