Афшураи помидор

0
981 просмотров

Оё медонед, ки афшураи помидор кай пайдо шуд? Агарчи аврупоиҳо помидорро аз асрҳои миёна мешинохтанд, афшураи онро танҳо дар аввалҳои асри 20 истеҳсол карданд.  Аввалин шуда афшураи помидорро таббохи фаронсави Луи Перина дар соли 1917 тайёр кард. Дар солхои 30-юми асри 20 дар Амрико афшураи помидорро бо микдори калон дар зарфҳои шишагӣ истеҳсол мекарданд. Дар Иттиҳоди Шӯравӣ афшураи помидорро бо технологияи афшурдаи мустақим истеҳсол намуда, ба он шакар ва об илова мекарданд. Норасоии ин мавод дар он буд ки, мӯҳлати истифодабарии он ҳамагӣ 2-3 моҳ буд.

Имрӯзҳо Шумо метавонед аз мағозаву бозорҳо афшураи помидори   истеҳсолкунандагони ватанӣ ва хориҷиро харидорӣ кунед. Афшураҳои  помидори «Зулол», «J-7», «Добрый», «Моя семья», «Фруктовый сад» дар байни харидорон маъруф мебошанд.

Афшураи  помидор бо ду намуд тайёр мешавад: якум, ин афшурдаи мустақим, ки онро аз помидорҳои навсабз истеҳсол мекунанд. Дуюм, ин намуди аз нав барқароршуда, ки онро аз контсентрат ё қайлаи помидор тайёр мекунанд.

Ба хотир доред, ки агар афшураи помидор аз контсентрат тайёр шуда бошад, истеҳсолкунанда бояд ҳатман ин маълумотро дар зарфи он инъикос кунад. Ба мӯҳлати истеҳсоли афшураи помидор эътибор диҳед. Агар ин мӯҳлат моҳҳои август – сентябр бошад, донед, ки ин мавод аз помидорҳои навсабз истеҳсол шудааст. Дар дигар вақт онро аз қайлаи помидор тайёр мекунанд. Афшураи  помидори дар зарф буда то муддати 3 сол нигоҳ дошта мешавад. Аммо, агар мӯҳлати он аз 6 моҳ зиёд бошад, аз харидории он даст кашед. Чӣ  қадар афшураи помидор бисёр нигоҳ дошта шавад, ҳамон кадар витаминҳои он нобуд мешаванд.

Сифати афшураи помидорро фаҳмидан осон аст. Ба он камтар сода илова кунед ва агар ранги афшураи помидор тағйир наёбад, донед, ки истеҳсолкунанда маҳсулоти камсифатро кор фармуда ба мавод моддахои рангкунандаи сунъи илова кардааст. Дар таркиби помидор маводи рангкунандаи табиӣ мавҷуд аст. Номи ин мавод «ликопин» мебошад ва он хусусияти пешгирии касалиҳои саратониро дорад. Аз рӯи тавсияи табибон бояд хар рӯз як истакон афшураи помидор истеъмол кунед. Ба диққати нафароне, ки ба вазни худ эътибор медиҳанд, мерасонем, ки афшураи помидор дар байни ҳамаи афшураҳо ва шарбатҳо аз ҳама калорияи кам дорад. Дар 100 грамм афшураи помидор 20 килокалория ҳаст. Дар 100 грамм шарбати ангур 65 килокалория дорад.

Афшураи  помидор боз аз дигар витаминҳо ва микроэлементҳо бой аст ва дар фасли зимистон истеъмоли ин мавод бениҳоят зарур мебошад. Аз ин лиҳоз ҳоло, ки фасли тобистон асту помидор дар бозорҳо фаровон, афшура тайёр карда, барои фасли зимистон захира намоед.

Нет комментариев

Также рекомендуем

ООН: требуется $5-7 трлн инвестиций ежегодно

Реализация Целей устойчивого развития ООН требует $5-7 трлн ежегодных инвестиций. Об этом пишет ТАСС со ссылкой на заявление Генерального секретаря ООН Антониу Гутерриша, сделанное на ...
%d такие блоггеры, как:

Сообщить об опечатке

Текст, который будет отправлен нашим редакторам: