Ҳафтаи ҳунарҳои мардумии тоҷик дар Аморати Шарҷа

0
761 просмотров

21 январи соли 2017 дар Аморати Шарҷа бо ташаббуси Сафорат, Консулгарии генералии Ҷумҳурии Тоҷикистон дар Дубай ва дар ҳамкорӣ бо Департаменти фарҳангии Шарҷа ва Институти Шарҷа оид ба мерос бахшида ба “Соли рушди сайёҳӣ ва ҳунарҳои мардумӣ” эълон гардидани соли 2018 “Ҳафтаи ҳунарҳои мардумии Тоҷикистон” оғоз гардид. Маросими ифтитоҳи “Ҳафтаи ҳунарҳои мардумӣ” бо иштироки намояндагони мақомоти давлатии кишвари иқомат, сафирону намояндагони корпуси дипломатӣ ва тоҷикони муқими АМА баргузор гардида, ба он Директори Департаменти фарҳанги Шарҷа Абдулазиз ал Мусаллам ҳамроҳ бо Сафири Тоҷикистон дар АМА Б.Шарифӣ ва Консули генералӣ дар Дубай Б.Сафарзода бо буридани лентаи рамзӣ ҳусни ифтитоҳ бахшиданд. Дар ҳафтаи ҳунарӣ ҳунарҳои гуногуни мардуми тоҷик, аз ҷумла кулолгарӣ, кордсозӣ, адрасу атласбофӣ, чакандӯзӣ ва сӯзанӣ, сангҳои қиматбаҳо, чӯбтарошӣ, ҳунари заргарӣ, қолинҳои дастбоф  ва ғайра иштирок намуда, маҳсули дасти худро ба маъраз гузоштанд. Дастаи ҳаваскорону мутрибони ансамбли фолклории “Помир” ва ансамбли рақсии “Базморо” баҳри ҳозирин оҳангу сурудҳои мардумӣ ва рақсҳои гуногунро иҷро намуданд. Дар чорабинии мазкур анвоъи гуногуни таъомҳои тоҷикӣ, аз ҷумла Оши палов, инчунин асал, меваҳои хушк ва дигар маҳсулоти ғизоии истеҳсоли ватанӣ ба маъраз гузошта шуд. Боиси зикр аст, ки ҳафтаи ҳунарҳои мардумии Тоҷик то 25 январи соли ҷорӣ идома меёбад.

 

Манбаъ: сомонаи расмии ВКХ-и Ҷумҳурии Тоҷикистон 

Нет комментариев

Также рекомендуем

Десять уголков планеты, где можно сделать самые красивые фотографии

В социальных сетях публикуется множество креативных фотографий из самых разных уголков планеты. Глядя на красивые картинки в интернете, многим хочется сфотографироваться так, чтобы остались приятные ...
%d такие блоггеры, как:

Сообщить об опечатке

Текст, который будет отправлен нашим редакторам: