Афзалшоҳ Шодиев: хурӯҷи бемориам ногаҳонӣ буд, тамоми нақшаҳоямро барбод дод

0
62 просмотров

Афзалшоҳ Шодиев мегӯяд, ки хурӯҷи ногаҳонии бемориаш боиси барҳам хӯрдани нақшаҳову аз ҷумла лағв шудани консертҳои эълонгардидааш шуд. Ба гуфтаи вай, ҳарчанд рӯзи бозгашташ ба ватан маълум нест, ба наздикӣ табобаташ ба итмом мерасад. Хабари бемории Афзалшоҳ Шодиев, ҳунарманди мардумии Тоҷикистон ва мудири Филармонияи давлатӣ чанд рӯзи ахир боиси нигаронии мухлисону дӯстонаш гардид.

Sputnik Тоҷикистон дар сӯҳбати кӯтоҳи телефонӣ аз аҳволи ҳунарманд пурсон шуд. Шодиев гуфт, ки феълан вазъаш хуб асту худро нағз ҳис мекунад ва «баъди камтари дигар» табобаташ дар Олмон ба анҷом мерасад ва ба Тоҷикистон бармегардад. Афзалшоҳ Шодиев дар посух ба суоли кадом ҷарроҳиро аз сар гузаронид, кӯтоҳакак гуфт, ки хурӯҷи маризиаш ногаҳонӣ буд ва тамоми нақшаҳояшро барбод дод.

«Тавре дар урфият мегӯянд, гапи хона ба бозор рост намеояд. Хурӯҷи бемориам ногаҳонӣ буд ва тамоми нақшаҳоямро барбод дод», — изҳор дошт вай.

Аммо ҳунарманд афзуд, ки пизишкони олмонӣ ӯро «ба по хезонанд» ва кӯмаки лозимаро расониданд.

Афзалшоҳ Шодиев аз мухлисону дӯстоне, ки бемориаш боиси ташвившашон гаштааст, изҳори миннатдорӣ кард.

Яке аз шогирдони ҳунарманд  дар сӯҳбат бо Sputnik Тоҷикистон гуфт, ки меъдаи устодаш иллате дошту ҳунарманд моҳи апрел барои ҷарроҳӣ ба Олмон рафта буд.

«Бемории меъда устодро чанде ташвиш медод. Аммо хурӯҷи он ногаҳонӣ буду дар назар надоштем, ки табобат чунин тӯл мешавад». — афзуд вай.

Ёдрас мешавем, худи Шодиев баъди ҷарроҳӣ дар як муроҷиати видеоӣ аз мухлисонаш дар Хуҷанд барои лағви консерт узр хост ва гуфт, ки 25 рӯз мешавад, ки дар яке аз беморхонаҳои Олмон қарор дорад.

Баргузории ин барномаи консертӣ, санаҳои 30 -уми апрел ва 1- уми май дар нақша буд, вале бо сабаби сафари хориҷаи ҳофиз ин ду барномаи консертӣ ба рӯзҳои 11 ва 12 уми май ба таъхир гузошта шуд.

Афзалшоҳ Шодиев яке аз дастпарварони мактаби ҳунарманди мардумии Иттиҳоди Шӯравӣ Ҷӯрабек Муродов аст, ки бо сабки хоси худаш маҳбуби мухлисонаш гардид.

Маъоуфтарин таронаҳои вай, «Ҷавони рафт», «Самарқанду Бухоро», «Ватан», «Писари азизам омад» «Модар» ва ғайраҳо мебошанд, ки матни бештари онҳо ба шоири маҳбуби тоҷик Лоиқ Шералӣ ва Озарахш тааллуқ доранд.

Ман

Нет комментариев

Также рекомендуем

Қурби расмии асъор барои имрӯз: 16.05.2019

Бонки миллии Тоҷикистон имрӯз қурби асъори хориҷиро нисбат ба сомонӣ (асъори миллии Тоҷикистон) чунин муқаррар кардааст: 1 доллари ИМА — 9.4398 сомонӣ; 1 евро – ...
%d такие блоггеры, как:

Сообщить об опечатке

Текст, который будет отправлен нашим редакторам: