Агар имкон медоштанд, аз се як ҳиссаи истифодабарандагон дўстон ва наздикони худро ба смартфон иваз мекарданд.

0
696 просмотров

Мутахассисони Донишгоҳи Вюртсбург ва Донишгоҳи Ноттингем Трент тадқиқоте гузарониданд, ки натиҷаҳои он нисбатан ғайричашмдошт баромаданд. Ҳамин тавр, аз се як ҳиссаи пурсишшудагон изҳор доштанд, ки агар имкон медоштанд, дўстон ва наздикони худро ба смартфон иваз мекарданд, хабар медиҳад «Лабораторияи Касперский».

Техника аз одамон муҳимтар

Барои 37%-и  истифодабарандагон смартфон дар он сатҳи баланду муҳиме қарор дорад, ки он барояшон аз дўстон низ афзалтар будааст. 29%-и пурсишшудагон арзишнокии ин гаджетро ҳатто бо волидони худ баробар меҳисобанд. 21%- дигар дастгоҳро ба дараҷаи ҳамкорон баробар медонанд. 17%-и иштирокчиёни таҷрибагузаронӣ эътироф намуданд, ки дар маҷмўъ смартфон барояшон нисбат ба одамон муҳимтар аст. 1%-и ба саволи санҷишӣ ҷавобдиҳандагон гуфтанд, ки дар ҳаёти онҳо аз смартфон дида чизи муҳимтаре нест.

Чӣ хел аз хатар эмин бояд буд?

Экспертон қайд мекунанд, ки дар хусуси хатарнокии смартфон теъдоди нисбатан ками одамон фикр мекунанд. Ҳамин тавр, 93%-и пурсишшудагон ба муаллифони таҷрибагузаронӣ PIN-коди худро фиристоданд. Яъне онҳо тайёр буданд ба олимон тамоми маълумотҳои муҳими шахсии худро диҳанд, ки дар дастгоҳ нигоҳ дошта мешуд.

Бояд гуфт, ки таҷрибагузаронандагон одамони худро барои якчанд муддат  дар ҳуҷра танҳо гузоштанд. Баъдан аз онҳо баландии қад ва PIN-кодашонро пурсиданд. Яъне ошкорбаёниро ба асабоният нисбат додан мумкин аст.

Барои чӣ ин хел мешавад?

Юрий Наместников, роҳбари маркази русиягии тадқиқоти «Лабораторияи Касперский», қайд мекунад, ки сухан маҳз дар бораи смартфонҳо меравад. Ба дигар намуди дастгоҳҳо вобастагии истифодабарандагон ба монанди смартфон баланд нест. Ба андешаи мутахассис, смартфон доимо истифода бурда мешавад, он ҳамеша дар даст қарор дорад. Бинобар он инсон ба ин дастгоҳ вобастагии сахти эҳсосиро ҳис мекунад. Истифодабарандагон  смартфонро идомадиҳандаи худ мешуморанд ва маҳз ҳамин ақида ба гуфти Наместников, инсонро ба кибертаҳдид бефарқ мекунад.

https://hi-tech.mail.ru/news/smartphones-vs-people/

Нет комментариев

Также рекомендуем

%d такие блоггеры, как:

Сообщить об опечатке

Текст, который будет отправлен нашим редакторам: