Айнакҳои BMW аз қабати мошин мебинанд

0
119 просмотров

Ин манзара ба филми илмӣ-хаёлӣ монандӣ дорад. BMW ба наздикӣ айнакҳои рақамиро пешниҳод месозад, ки мисли соатҳои доно ба ронандагон барои ҷойгиркунии (парковка) автомобилашон кӯмак мерасонад. Ин айнакҳои мукаммалшударо  иттиҳодияи олмонӣ пешниҳод месозад, ки бо охирин технологияҳои пешрафта муҷаҳҳаз аст. Он ба соҳибаш имконият медиҳад, ки дохили автомобилро назорат кунад.  Воситаҳои махсусе офарида мешаванд, ки то як андоза бағоҷи автомобилро шаффоф месозанд.

Ҳангоми ба қафо ҳаракат кардан, қисми қафои бағоҷи автомобил шаффоф мегардад. Ин восита дар баробари гузаронидани акс аз беруни камераҳо ба вуҷуд меояд. Айнакҳои BMW на танҳо бо қарори дигар истеҳсолкунандагони автомобил балки бо маҳсулотҳои Google ва Microsoft, ки бомуваффақият технологияи пурраи воқеиро такмил медиҳанд, рақобат мекунад.

Тибқи маълумотҳои Financial Times, дастгоҳ дар доираи озмоишгоҳҳои илмӣ-тадқиқотии BMW дар водии Кремний (Калифорния) коркард карда мешавад.

Инсайдерон мегӯянд, ки намоиши оммавии навгонии мазкур, моҳи апрели соли ҷорӣ ба нақша гирифта шудааст. Ҷои намоиш: Толори автомобилии Шанхай мебошад.

Маълумотҳои муфассал дар бораи дастгоҳ ошкор нагардидаанд. Аммо он дар реҷаи вақти воқеӣ маълумотҳои гуногунро дар бораи автомобил ва вазъияти роҳ инъикос мекунад. Эҳтимол меравад, ки айнакҳои навро на танҳо дар сари чамбарак истифода бурда мешавад.

Ин кашфиёт дар олами технология ҳамчун як дастоварди бузург, ки аз як қатор филмҳои илмӣ-хаёлӣ омадааст, аз қабили “Одами оҳанин” (Железный человек) ва “Мулоҳизаи махсус” (Особое мнение), ба шумор меравад.

Ҷоизи қайд аст, ки BMW аллакай чунин айнакҳоро дорад. Дастгоҳи мазкур, дастурҳои пай дар пайро барои мустақилона ошкор намудан ва бартараф кардани носозиҳои автомашина пешниҳод месозад. Лекин истифодаи айнакҳои рақамӣ, дониш ва маҳорати муайянро талаб наменамояд.

Дастгоҳи воқеияти иловагӣ, қисми лоиҳаи азими BMW, таҳти унвони Augmented Reality: The Extension Of Reality ба ҳисоб меравад.

Сарчашма:  matrix-tv.tj

Нет комментариев

Также рекомендуем

Фестивали бодбаракхои хавоӣ дар Дьепп

Шумо ягон маротиба дар ҳаво харчанги калонтаринро дидаед, ки дар ҳаво мегардад? Ё ҷонзоди чорпои баҳриро мушоҳида намудаед, ки дар зери абрҳо оҳиста парвоз мекунад? ...