Айнаки нав метавонад нобиноро бино кунад

0
444 просмотров

Пажӯҳишгарони Донишгоҳи Оксфорд даъво доранд, ки барои барқарор намудани нӯри чашм навгониеро  ихтироъ карданд. Онҳо мегӯянд, айнакеро истеҳсол карданд, ки ба воситаи он метавон нобиноёнро табобат кард.

Ин айнаки ихтироънамудаи британиёҳо дар асоси линзаҳое, ки тасвир ва ё ашёро наздик нишон медиҳанд, сохта шудааст. Бо шарофати ин айнак, баъзе нафарон метавонад чашмонашонро табобат кунанд. Ташкилоти хайриявии ҷамъиятии Институти миллии шоҳигарии нобиноён кори ихтироъкоронро баҳои баланд додааст. Дар ин бора хабаргузории «Би-би-си» иттилоъ додааст.

Ягон таҷҳизоти мушҳури коркардшуда наметавонист нобиноён ё камбиноро табобат кунад, то ин ки зиндагии хуб дошта бошанд,-гуфтааст намояндаи Институти нобиноёни Британиё, Ҷон Ворсфолд.

Одамони нобино аз ин чиз хеле ранҷ мебаранд. Ҳоло айнак аз камераи махсуси 3D, компютери на онқадар калон ва барномае, ки тасвирро дар ҳаёти воқеӣ нишон медиҳад иборат аст. Тасвир ба воситаи линза пеши чашми истифодабаранда намудор мешавад ва одамони гирду атрофро метавонад хуб бубинад.

Айнаки нави ихтироъшуда бо сифати аълои худ аз дигар гаҷети пештара фарқ мекунад, гуфтаанд пажӯҳишгарон.

Ин таҷҳизот имкон медиҳад истифодабаранда бо он гаштугузор намояд. Яъне ин барои мустақилона роҳ гаштани нобиноён ҳисси озодиро фароҳам меорад, — гуфтааст, роҳбари пажӯҳишгарон доктор Стивен Хикс аз Донишгоҳи  Оксфорд.

Инчунин, ӯ қайд намудааст, ки бори аввал аст, ки истифодбарандагон ин гаҷетро хуб қабул карданд.

Айнак ба одамон хеле писанд омадааст. Онҳо гуфтаанд, ки акнун метавонанд чеҳраи роҳгузаронро бубинанд. Баъзе аз онҳо аввалин бор гурба ва сагчаи худро диданд, ки ин дастоварди бузургест.

Ин навъи айнак бояд тариқи сим ба ноутбук пайваст карда шавад. Ҳоло пажӯҳишгарон кӯшиш карда истодаанд, ки ҳаҷми ин навъи гаҷетро кам кунанд, то ба мисли айнаки оддӣ гардад. Онҳо тасмим доранд ин айнакро барои нобиноён ба нархи телефони мобилӣ фурӯшанд.

Ихтироъгарон гуфтаанд, ки қисми аввали онро то охири сол ба фурӯш мебароранд ва дар сурати муваффақ шудан, истеҳсоли онро зиёд хоҳанд кард.

Сарчашма:hi-news.ru

 

Нет комментариев

Также рекомендуем

Суманакпазӣ низ ҳунар аст!

Чун дар айёми ҷашнгирии Наврӯзи ҷаҳонӣ қарор дорем, имрӯз дар бахши «Ҳунар» дар бораи ҳунари суманакпазӣ сухан хоҳем гуфт. Суманак ё сумалак ва ҳунари суманакпазӣ ...