Акбарҷон Рофиев: “Ман бо “Тироз” зиндаам!”

947

Номи неку ном бад вобаста аз одам бувад,

Кори неку кори бад вобаста аз одам бувад.

Метавонӣ он чунону метавонӣ инчунин,

Меҳри қудратноку меҳри хаста аз одам бувад!

Дар ҳақиқат сазовори номи неку кори нек гаштан аз худи одам вобаста аст. Зеро, инсон қодир аст, ки дар ҳаёти хеш ҳам кори хайру савоб ва ҳам кори баду ношоистаро анҷом диҳад. Вале, афзалтари нишони одамияту инсонгарӣ он аст, ки ҳамеша накӯкору накӯном бошад!

Tiroz-15-sol (195)

Яке аз чунин инсонҳои ба маънои томаш некному накӯкор ҳамкору ҳамқадаму ҳамзамону ҳамзабону ҳамрозу ҳамнафасу ҳамнишасти мо – кормандони ҶДММ ШТРР “Тироз” Акбарҷон Рофиев мебошанд. Алҳол дар вазифаи Сарвари ШТРР “Тирози Ҷавонӣ” ва ҳамчун маъмур, менеҷери Ширкати “Тироз” буда, сарбаландонаву сидқидилона заҳмат мекашанд. Аз ҳама муҳимаш, азизи дилу дидаи кулли кормандони “Тироз” мебошанд. Дар ҷомеаи меҳнатӣ соҳиби обрӯву нуфузи баланд буда, ҳамчун инсони хоксор, заминӣ, меҳнатдӯст, инсонпарвар ва дилёбу равшанзамир шӯҳрат пайдо кардаанд.

Тамоми кормандони ширкат бо роҳбарии Сарвари кулли ҶДММ ШТРР “Тироз” Хуршед Азимҷонович Ӯлмасов ин шахси фидоии касбу корро аз таҳти дил дӯст медоранд ва эҳтиром менамоянд. Зеро, тавре мегӯянд “қарсак аз ду даст”,  А.Рофиев мо — ҳамкорону ҳамкасбонашонро дӯст медоранд ва ҳурмат мекунанд.

AkbarAko

Вақте ба дафтарчаи меҳнатии А.Рофиев назар дӯхтем, маълум шуд, ки ҳанӯз 26-уми феврали соли 2003 ба вазифаи мудири истеҳсолот ба ҶДММ ШТРР “Тироз” ба кор қабул шудаанд. Сипас ба ҳайси маъмури Кумитаи телевизион ва радиошунавонии вилояти Суғд фаъолияти босамар намуданд. Соли 2004-ум ба Маркази продюсерии “Садо” ба вазифаи директори генералӣ таъин шуданд. Ҳамин тавр, 21-уми октябри соли 2009-ум ба вазифаи идоракунандаи ҶДММ ШТРР “Тироз” таъин гардиданд. Ҳамзамон, ба ҳайси сардори ҶДММ МП “Садо” ифои вазифа намуданд.

Вале бояд илова кард, ки А.Рофиев пас аз хатми техникуми кооперативӣ фаъолияти меҳнатии хешро дар Идораи савдои шаҳри Хуҷанд (собиқ Ленинобод) оғоз намудаанд. Воқеан, дар ҳар ҷое, ки кор карданд, аз худ номи неку кори нек боқӣ монданд.

Бояд гуфт, ки хислатҳои ҳамидаи хоксориву меҳнатдӯстиро Акбарҷон Рофиев бо тарбияву дуои неки модари бисёр ғамхору меҳрубон соҳиб гаштанд. Зеро, модари ҳалиму дуогӯяшон М. Ҳомидова омӯзгор, муаллима мебошанду давоми чанд даҳсола аст, ки ҳаёти хешро сарфи таълиму тарбияи насли наврас ва ҷавонон намудаанд.

Tiroz-15-sol (178)

А.Рофиев солҳои мактабхониро дар мактаби миёнаи № 10-уми шаҳри Хуҷанд гузаронида, онро соли 1979 хатм кардаанд. Сипас бо ҳадафи идомаи таҳсил ба Омӯзишгоҳи № 1 ба номи Камарови шаҳри Хуҷанд дохил шуда, онро соли 1981 бо ихтисоси “фурӯшандаи маҳсулоти хӯрока” ба итмом расонидаанд. Аз соли 1981 то соли 1983 дар сафи Артиши Шӯравӣ дар давлати Монголия хидмати ҳарбиро ба ҷо овардаанд. Соли 1983 то моҳи апрели ҳамон сол ба сифати фурӯшанда кор карда, соли 1984 бо Омӯзишгоҳи техникии кооперативӣ дохил ва бо ихтисоси “молшинос” бо муваффақият хатм намудаанд.

Аз ҳама муҳимаш, шавҳари вафодору дӯстдошта ва падари хушбахти се нафар фарзанд мебошанд. Ҳамсари меҳрубони дилбандашон – Истаднисо Рофиева, духтари ягонаашон – Парвинахон ва ду писари қобилу бомаданияташон – Давронҷону Далерҷон ҳамеша аз чунин падари ғамхору заҳматкаш ва мӯътабар ифтихор доранд.

20160301_123137

Ҳангоми сӯҳбат бо худи Акбарҷон Рофиев мусаллам гашт, ки дар ҳақиқат дӯстдору фидоии кор дар Ширкати телевизион, радио ва рекламавии “Тироз” мебошанд. Ҳар рӯз аз субҳи барвақт то бегоҳ дар ҷойи коранду ғамбарору нозбардори кормандон ва сӯҳбаторову кӯмакрасони ҷомеаи меҳнатии ҶДММ ШТРР “Тироз” ба ҳисоб мераванд. Ба қавли худашон: “Ман бо “Тироз” зиндаам!”

Tiroz-15-sol (238)

Шояд Шумо-хонандагони арҷманд, бовар накунед, ки санаи 1-уми апрел — Рӯзи таваллуди ин шахси некном аст. Ин рост аст, фикр накунед, ки ин шӯхии Рӯзи ханда мебошад.

Мо-кормандони ширкат бо роҳбарии Сарвари куллии ҶДММ  ШТРР  “Тироз” Хуршед Азимҷонович Ӯлмасов, инсони фидокору меҳнатқарин Акбарҷон Рофиеви азизу арҷмандро бо Рӯзи мавлудашон самимонаву сидқидилона табрику таҳният намуда, барояшон тани сиҳату хотири ҷамъ ва дарозумриву хонадони ободро таманно дорем!

Имрӯзу ҳамарӯз бо “Тироз” бимонед!

                                                                                  Исломҷон  Бобоев

 

НЕТ КОММЕНТАРИЕВ

ОСТАВЬТЕ ОТВЕТ

Лимит времени истёк. Пожалуйста, перезагрузите CAPTCHA.