Акмалиддин дар самбои ҷаҳонӣ зинаи аввалро ишғол кард

0
1 899 просмотров

Паҳлавони  маъруфи  тоҷик Акмалиддин Каримов дар  феҳристи  самбои ҷаҳонӣ, ки аз рӯи натиҷагирии мавсими соли 2017 нашр шудааст, дар миёни 167 гӯштингири вазнашон 57 кило бо 2100 имтиёз дар ҷойи аввал қарор гирифт.

Тавре дар сомонаи  Телевизиони «Варзиш»  нашр шудааст, дар феҳристи самбои ҷаҳонӣ натиҷаи Акмалиддин Каримов дар байни варзишгарони тоҷик беҳтарин аст. Ӯ соли гузашта дар мусобиқоти қаҳрамонии ҷаҳон, ки дар шаҳри Сочии Россия барпо гардид, дар рақобатҳо дар вазни то 57 кило медали нуқра ба даст овард.

Акмалиддин Каримов инчунин дар мусобиқоти қаҳрамонии Осиё дар Тошканд ва Бозиҳои V осиёӣ дар иншооти сарпӯшида ва ҳунарҳои размӣ дар шаҳри  Ашқободи Туркманистон бо медалҳои тилло сарфароз гаштааст.

Қаҳрамони ҷаҳон  Беҳрӯзи Хоҷазода дар феҳристи ҷаҳонии самбо бо 1700 имтиёз дар байни 253 нафар гӯштингирони вазнашон то  74 кило мақоми 2-юмро касб намудааст.

Манбаъ: Сомонаи расмии АМИТ «Ховар»

 

Нет комментариев

Также рекомендуем