Аксияи “Як рӯзи хунсупорӣ” дар шаҳри Хуҷанд

0
48 просмотров

Бо мақсади иҷрои дастуру супоришҳои Асосгузори сулҳу Ваҳдати миллӣ — Пешвои миллат, Президенти мамлакат муҳтарам Эмомалӣ Раҳмон зимни суханрониашон дар вохӯрӣ бо устодону донишҷӯёни Донишгоҳи давлатии тиббии Тоҷикистон ва кормандони соҳаи тандурустӣ ба муносибати Рӯзи дониш ва оғози соли нави таҳсил ва дар амал татбиқ намудани нишондодҳои «Барномаи милли рушди донории хун ва ҷузъҳои он дар Ҷумҳурии Тоҷикистон барои солҳои ‎2015 — 2019» дар Маркази назорати давлатии санитарию эпидемологии шаҳри Хуҷанд аксияи “Як рӯзи хунсупорӣ” баргузор гардид.

Тарве, ки роҳбарияти ин марказ иброз дошт имрӯз рушди тибби муосир, ҷарроҳиҳои вазнини пайвандсозии узвҳо ва системаи рагҳо, кумаки таъхирнопазири акушерӣ ва таҷрибаи педиатрияро бе истифодаи самараноки ҷузъҳои хуни донорӣ тасаввур кардан ғайриимкон аст.

Тибқи иттилои мутахасисон хунсупорӣ фоидаовар аст. Бемориҳои системаи рагҳои хунгард, бемориҳои ишемияи дил, сактаи майнаи сарро пешгирӣ намуда, системаи иммунитети шахсро мустаҳкам менамояд. Аз ҳама муҳим, ҳаёти касеро наҷот медиҳад.

Тарғибу ташвиқи самаранок ва фаъолияти ҳирфаии ҷомеаи меҳнатии Маркази мазкур боис шудааст, ки имрӯз кормандон махсусан ҷавонон аз аҳамияту зарурати хунсупорӣ огоҳ гашта, бо дарки масъулият хун супорида истодаанд.

alt

Тавре, ки сардори Маркази назорати давлатии сантирию эпидемологии шаҳри Хуҷанд Султон Раҳмонзода иброз дошт: «Доноре, ки хун месупорад, қаблан аз муоинаи тиббӣ мегузарад, гурӯҳи хун муайян карда мешавад, ташхиси гемоглобин гузаронида мешавад. Баъди ташхис дақиқ мекунем, ки оё дар таркиби хуни донор бемориҳои сирояткунанда, аз қабили СПИД, ВИЧ, гепотити В, С, сифлис ва ба ин монанд бемориҳое, ки сироятӣ ва барои ҳаёти шахс хатарнок ҳастанд, ба қайд гирифта мешаванд ё не. Агар яке аз ин ташхисҳо ҷавоби қонеъкунанда надиҳад, пас аз доноршаванда хун гирифта намешавад. Баъзе нишондиҳандаҳои бартарафшаванда, аз ҷумла, вазни кам, бемории муваққатӣ, нишондоди ками гемоглобин дар таркиби хун ва ба ин монанд бемориҳое ҳастанд, ки пас аз муддате бартараф мешаванд ва шахс метавонад хун супорад.

Ин тадбир бо ҳамкории Маркази ҷумҳуриявии илмии хун дар шаҳри Хуҷанд гузаронида шуда, дар ин рӯз беш аз 70 нафар кормандони Маркази назорати давлатии санитарию эпидемологии шаҳри Хуҷанд хун супориданд.

Манбаъ: Дафтари матбуоти Раиси шаҳри Хуҷанд

Нет комментариев

Также рекомендуем

Android- смартфон барои дастбанди ту!

Ҳанўз соли 2013 Серёжа Парфентий дар бораи соатчаҳои Neptune Pine Watch навиштаа буд. Аммо, дар раванди истеҳсолот ихтироъкорон ба ҷои онҳо ким-чизи дигарро сохтанд, ки ...