Аквапарк — беҳтарин макони обозии тобистона

0
377 просмотров

Аквапарки тобистона, ки номи «Делфин»-ро соҳиб аст, моҳи июли соли 2012 дар шаҳри Душанбе  кушода шудааст ва он якумин аквапаркест дар Тоҷикистон фаъолияткунанда мебошад. Ин макони обозиву дилхуши бо чунин сатҳи баланд ва аз ҳама беҳтарин ҷойи шиноварию истироҳатии тобистона дар кишвар маҳсуб меёбад.

Барои ворид шудан ба аквапарки Делфин дар даромадгохи он хазина хаст, ки ба мизочон чипта мефурӯшанд. Арзиши чиптаҳо барои ворид шуда, хизматрасониро қабул кардан аз 50 сомони то 100-150 сомонӣ мебошад ва ин ҳам бошад вобаста аст аз соатҳои воридшави ва рӯзҳои ҳафта. Барои кӯдакони қадашон то 1 метр буда бепул аст. Рӯзҳои истироҳати (шанбе ва якшанбе) одатан нарх каме назар ба рӯзҳои кори баландтар аст. Инчунин аз соати 17:00 то 20:00 нархҳояш каме поёнтар аст. Вакти кориашон аз 10:00 то 20:00 хамарӯза аст.

Ба назар гирифт, ки чиптаҳои мефурӯхта барои 3-соати дамгирӣ таалук дорад ва касе, ки ин меъёрро вайрон мекунад, аз ҳар як дақиқаи барзиёди меъёри 0,5 сомони иловапардохт ё худ ҷарима месупорад. Одатан барои дар аквапарк хузур доштан 3 соат кифоя аст, чунки ин муддат обозӣ ба дили кас мезанад ва афгор мекунад ва он чо пур аз одам асту овози мардуми сершумор. Ҳамчунин дар зери нурхои офтобӣ зиёд гаштан низ зарар дорад.

Умуман дар Тоҷикистон аквапаркҳо дар шаҳри Душанбе 2-адад, дар шаҳри Хуҷанд 1-адад ва шаҳраки Бохтар 1 адад вуҷуд дорад, ки дар онҳо низ шаҳрвандон майли рафтан доранд.

Дар ҳудуди аквапарки Делфин, ки онро мардуми Олмон сохтаанд, иборат аз 5 ҳавзи шиноварӣ  ҳаст, ки яке аз онхо бо чукурии 40 см барои кӯдакон, дигаре бо чукурии 80 см барои наврасон ва ниҳоят бо чукурии 1,5 метр барои калонсолон вучуд дорад. Боқимонда ҳавзҳои барои атраксионхои дунгак, яъне аз баланди ба об паридану чаҳидан махсусгардонидашуда мебошад.

Теппачаҳои пласмаси барои кудакон ғечида фаромадан ва теппачаҳои оҳани барои фаромадан аз баланди ба ҳавзҳои оби барои калонсолон вуҷуд доранд, ки алакай зиёда аз 5 сол фаъолияти бехатару хубро барои мардум пешниҳод мекунанд. Ин маконро ҳаррӯза атрофи 200-400 шахс барои дамгирӣ зиёрат мекунанд, ки бархеи онро ҷавонон мебошанд.

Барои мардум рӯзхои духтарона низ чудо карда шудаанд ва духтарону занон дар ин рӯзҳо метавонанд бевосита танҳо худашон аз ин макон истифода баранд. Ин рӯз хар замон хар хел аст. Масалан солҳои пеш рӯзи занона рӯзи Душанбе буд вале солхои охир он ба рузи «Чумъа» гузаронида шуд.

Инчунин дар ҳудуди аквапарки Делфин ҷойҳои хӯрокхӯри (Бар) ҳаст, ки ба мардум фурӯши яхмос, нӯшокиҳои хунуку ғайриспиртӣ, шириниҳо ва ғайраҳоро пешниҳод менамоянд, ки нархашон то андозае аз нархи бозор баланд аст. Барои дӯстдорони интернет инчунин Wi-Fi тариқи ройгон, ташкил карда шудааст.

Ногуфта намонад, ки барои дохил шудан  ба аквапарк бояд либоси шиноварӣ дошт, ки дар ҳолати надошатан дар дохили ин ташкилот низ фурӯхта мешаванд ва арзишашон атрофи 20-30 сомони вобаста ба ҷисми муштари аст. Ба ҳар хол дар ҳудуди парк шахсони масъули назорат – инструктурхо ва духтурон дар ҳолатхои садамави барои расонидани ёрии авалиндараҷа ҳузур ва омода ҳастанд.

 

Нет комментариев

Также рекомендуем