Ғалабаи дастаи Мактаб-интернати Хуҷанд

0
346 просмотров

Дастаи 10-нафараи хонандагони Мактаб-интернати давлатӣ барои бачагони имконияташон маҳдуди шаҳри Хуҷанд дар мусобиқоти варзишии ҷумҳуриявӣ ғолиб гашт. Он аз ҷониби масъулини котиботи Олимпиадаи махсуси Тоҷикистон дар шаҳри Душанбе доир гардид. 

Дастаи мазкур аз рӯи се намуди варзиш:  тенниси рӯи миз, варзиши сабук ва футбол соҳиби 19 медал — 4 медали тилло, 4 медали нуқра ва 11 медали биринҷӣ гардид.

Масъулин аз шуъбаи маъорифи шаҳри Хуҷанд иттилоъ доданд, ки ҳамзамон аъзои даста барои иштирок  дар бахши намоиши корҳои дастӣ, ки бахшида ба «Соли рушди сайёҳӣ ва ҳунарҳои мардумӣ» ташкил гардида буд, ба гирифтани ҷои ифтихории дуюм ва Сипосномаи Олимпиадаи махсуси Тоҷикистон сазовор гардиданд.

Баъди анҷоми мусобиқот иштирокдорон аз мавзеъҳои фарҳангию фароғатии пойтахти мамлакат- шаҳри Душанбе дидан намуданд.

Манбаъ: Сомонаи расмии АМИТ «Ховар»

 

Нет комментариев

Также рекомендуем

Валентина Матвиенко гурӯҳи вакилони тоҷикро бо медали ҷашнӣ сарфароз гардонид

Бо қарори Раиси Шӯрои Ассамблеяи байнипарлумонии кишварҳои Иттиҳоди Давлатҳои Мустақил /ИДМ/, раиси Шӯрои Федератсияи Россия Валентина Матвиенко иддае аз вакилони палатаи поёнии Парлумони Тоҷикистон бо ...