Дастаи хонандагони вилояти Суғд дар 40-умин сессияи ҷумҳуриявии Академияи хурди илмҳои Ҷумҳурии Тоҷикистон фаъолона иштирок намуданд.
Аз муассисаҳои таҳсилоти миёнаи умумии вилояти Суғд дар даври ҷумҳуриявии Академияи хурди илмҳо наздик 300 нафар хонандагон бомуваффақият иштирок намуда, бо касби 276 ҷойҳои ифтихорӣ, сазовори ҷойи аввал дар ҷумҳурӣ гардидаанд.
Қобили зикр аст, ки дар даври ҷумҳуриявии Академияи хурди илмҳо, ки дар Мактаби байналмиллалии Президентии шаҳри Душанбе баргузор гардид, наздик 1200 нафар хонандагон аз Вилояти Мухтори Куҳистони Бадахшон, шаҳри Душанбе, вилояти Хатлон, водии Рашт, ноҳияҳои тобеи марказ ва аз вилояти Суғд иштирок доштанд.
Тибқи низомнома хонандагон корҳои илмӣ-таҳқиқотии худро омода намуда, тариқи слайд, айёниятҳо, кори илмӣ ба аъзои ҳакамон муаррифӣ намуданд. Дар ҷамбаст ба хонандагони муассисаҳои таълимии вилояти Суғд муяссар гардид, ки 56 нафар узви вобаста, 47 нафар узви ҳақиқии Академияи хурди илмҳо гарданд. Инчунин хонандагони мактабҳои вилоят 77 ҷойи аввал, 42 ҷойи дуюм, 24 ҷойи сеюмро сазовор гардида, дар ҷумҳурӣ ҷойи аввалро соҳиб шуданд.
Манбаъ: Хадамоти матбуоти Раиси вилояти Суғд
Нет комментариев