Ғалабаи дуюми «Истиқлол» дар мусобиқаи марҳилаи гурӯҳии Ҷоми КФО

0
356 просмотров

Дастаи «Истиқлол»-и Душанбе, қаҳрамони Тоҷикистон, дар бозии даври сеюми марҳилаи гурӯҳии Ҷоми AFC (Конфедератсияи футболи Осиё)-2017 дар гурӯҳи “D”, ки дар Варзишгоҳи марказии пойтахт доир гардад, тими “Олой”-и Ӯш, қаҳрамони Қирғизистонро бо ҳисоби 3:1 шикаст дод.

fc-istiklol-1

Бино ба маълумоти Радиои Озодӣ, тӯбҳоро аз дастаи «Истиқлол» Нуриддин Давронов аз ҷаримаи 11-метрӣ (дақ. 45+1), Девид Мавутор, легионери африқоӣ аз Гана (дақ. 68-ум) ва Дилшод Восиев (дақ. 89-ум) ва аз тими мизбонон Алиа Силла, легионери африқоӣ аз Гвинея (дақ. 59-ум) ба ҳадаф расонидаанд.

Дар бозии дигари гурӯҳи “D” дастаи “Олтин Асир”-и Ишқобод, қаҳрамони Туркманистон, дар меҳмонӣ тими “Дордой”-и Бишкек, ҷоизадори нуқраи қаҳрамонии Қирғизистонро бо ҳисоби 2:0 мағлуб кард.

Баъди натиҷагирии се даври мусобиқа дар гурӯҳи “D” дастаҳои “Истиқлол” ва “Олтин Асир” ҳафтимтиёзӣ ба даст овардаанд. Бо назардошти таносуби беҳтари тӯбҳо “Истиқлол” (6-2) дар мақоми аввал ва “Олтин Асир” (5-2) дар мақоми дувум қарор доранд. Дастаи “Дордой” бо се имтиёз дар мақоми севум аст. Тими “Олой” бидуни имтиёз дар зинаи охирин – чаҳорум – ҷойгир шудааст.

Дар даври чоруми марҳилаи гурӯҳии Ҷоми AFC, ки 3 май барпо мегардад, «Истиқлол» дар меҳмонӣ бо «Олой» вориди рақобат мешавад. Дар бозии дигари ин гурӯҳ «Олтин Асир» дар майдони худ бо “Дордой” рақобат хоҳад кард.

Манбаъ: https://www.news.tj/

Нет комментариев

Также рекомендуем

Сагҳо мефаҳманд, ки Шумо чӣ мегӯед

Бо шарофати тадқиқотқои нав муайян карда шуд, ки дӯстони мо, аз қабили саг хусусияти бештар дарк карда тавонистани хохишҳои моро доштаанд. Бештар аз оне, ки  ...