Ғалабаи “Истиқлол” дар Ҷоми КФО-2017

0
523 просмотров

Бошгоҳи “Истиқлол»-и Душанбе дар бозии аввали даври ниҳоии байниминтақавии Ҷоми КФО-2017  бо тими «Бенгалуру”-и Ҳиндустон рақобат намуд.  Дидори дастаҳо дар варзишгоҳи марказии шаҳри Ҳисор баргузор гардида, бо пирӯзии соҳибони майдон ба анҷом расид. Бозингарони тими “Истиқлол» аз нафасҳои аввалини дидор ташаббусу тарадудро ба дасти хеш гирифта, талошҳои шогирдони Муҳсин Муҳаммадиев дар дақиқаи 27-уми вохӯрӣ самар овард. Сарвони тими “Истиқлол” Фатҳулло Фатҳуллоев як партофти хубро ҷониби ҷаримагоҳи рақибон анҷом дод, ки аз он ҳамдастааш Димитри Барков ба хуби истифода карда тӯбро вориди дарвозаи дастаи «Бенгалуру” намуда, дастаашро ба пеш баровард. Аммо пас аз ин гол беш аз 15 ҳазор мухлиси ба варзишгоҳи Ҳисор омада дар идомаи вохӯрӣ шоҳиди задани голи навбатӣ нашуданд ва зарбаи дақиқи Димитри Барков ягона гол дар ин вохӯрӣ гардид. Ҳамин тариқ бошгоҳи “Истиқлол” дар дидори аввал бо ҳисоби 1:0 ин рақибашро, ки  дар мавсими гузашта то ба даври ниҳоии  Ҷоми КФО роҳ ёфта буд, шикаст дод. Вохӯрии ҷавобӣ ва тақдирсози ин ҷуфт рӯзи 18-уми октябр дар шаҳри Бангалори Ҳиндустон баргузор хоҳад шуд.

 

Манбаъ: сомонаи расмии телевизиони «Варзиш»

Нет комментариев

Также рекомендуем

Вазъи қурби асъор барои имрӯз

Бонки миллии Тоҷикистон (БМТ) имрӯз, 28 март, бо мақсади ҳисобгирии муҳосибӣ ва пардохтҳои гумрукӣ қурби расмии асъори хориҷиро чунин муайян кардааст: 1 доллари ИМА = ...