Ҷаласаи нахустини гурӯҳи кории лоиҳаи «Тирози Ҷавонӣ»: «ЭКО-ХУҶАНД» доир гардид.

0
405 просмотров

Имрӯз тибқи супориши Раиси шаҳри Хуҷанд  Шарифзода Шариф Файз  ҷаласаи нахустини гурӯҳи корӣ барои татбиқи  лоиҳаи  “Харитаи ҷойгиршавии интерактивии қуттиҳои партов, нуқтаҳои қабули фурӯзонакҳои каммасрафи корношоям, макони оббозӣ (пляж) ва био-ҳоҷатхонаҳои шаҳри Хуҷанд”  бо роҳбарии  муовини Раиси шаҳри Хуҷанд  Умедахон Муродӣ  баргузор гардид.

Дар ҷаласаи   корӣ роҳбарони  идораҳои партовкашонӣ, ҳифзи муҳити зист, Раёсати ободонӣ  ва хоҷагию манзилии  шаҳр, шӯъбаи кор бо маҳаллаҳо, маркази  иттилооти  дастгоҳи Раиси шаҳр ва гурӯҳи эҷодии  лоиҳа бо сарварии Лоиҳаи «ЭКО — ХУҶАНД» Хуршед Улмасов  ширкат намуданд.

Гурӯҳи корӣ    вобаста ба дастуру супоришҳои  Раиси шаҳри Хуҷанд ҳангоми  муаррифии  лоиҳа ,  низоми фаъолияту  ҳамоҳангии сохторҳои шомили  ин гурӯҳ,   вазифаҳои ниҳодҳои дахлдор  ва роҳу усули  ҷалби сокинон ба хусус, шаҳрвандони фаъоли шаҳрро,ки доири тозагию ободии шаҳри Хуҷанд бетараф нестанд мавриди баррасӣ қарор доданд.

Муқаррар карда шуд,ки гурӯҳи корӣ  давоми се моҳи  амалишавии лоиҳа бо ниҳодҳои худ,  барои сари вақт ва пурсамар амалишавии лоиҳаи мазкур  нақшаи мушаххаси корӣ таҳия намуда ба тасдиқи Раиси шаҳр  пешниҳод хоҳанд кард.

Дар баробари ин   ҳайати корӣ  10 мавзеҳои нисбатан барои назорат ва тозагӣ бештар ниёз доштаро  пешниҳод намуданд,ки чун мавзеи мақсадноки лоиҳа  маҳсуб хоҳад ёфт.

 

Ҳамчунин  аз ҷониби  гурӯҳ  таъкид гардид,ки   ҷараёни иҷроиши лоиҳа   тариқи расонаҳои  иттилоотӣ  ва имкониятҳои мавҷуда    ба сокинон ва меҳмонони маркази вилоят  тариқи  рекламаҳои иҷтимоӣ маълумот дода шуда,   тарзи ширкати  фаъолонаи  шаҳрвандон  дар амалишавии  лоиҳа тарғиб  хоҳад шуд.

 

 

 

Нет комментариев

Также рекомендуем