Ҳалимҷон Салимӣ: Санаи тӯйи хонадоршавиам махфӣ аст !

0
530 просмотров

Инак, имрӯз мо хостем бо сарояндаи шаҳри Хуҷанд, оне, ки дар  ҷодаи санъат қадами хешро устувор гузоштааст  Ҳалимҷон Салимӣ сӯҳбате ороста бошем.
-Ҳалимҷон салом арз мекунам, сараввал аз номи худам, аз номи таҳиягарони радиои “Тироз”, аз номи муҳаррирони медиапортали “Тироз” ва ҳамзамон аз номи мухлисонатон.


Ҳалимҷон Салимӣ:
  Саломи маро қабул созед, кормандони радиои “Тироз”, омодакунандагони медиапортали “Тироз” ва ба ҳамаи мухлисонам саломи худро мерасонам.

 

Сараввал дар бораи худ барои мухлисон маълумоте медодед. Масалан кай дар куҷо таваллуд шудаед?

 

Ҳалимҷон Салимӣ:  Ман 22 сентябри соли 1990 дар вилояти Суғд, ноҳияи Б.Ғафуров, ҷамоати Ёва таваллуд шудаам.
-Мегуфтед, ки оғози фаъолияти эҷодиатонро кай оғоз кардед, айни ҳол дар кадом сатҳ қарор дорад ва нақшаҳои минбаъдаи Шумо чӣ гуна аст?

 

Ҳалимҷон СалимӣСоли 2000, аввалин маротиба қадами хешро дар ҷодаи санъат гузошта, айни ҳоли кори эҷодии худро давом дода истодаам.

 

-Суруде, ки Шуморо  байни мардум муаррифӣ ва машҳур гардонид ин таронаи “Табассум” аст, мегуфтед, ки шеър ва оҳанги таронаи мазкур кист?

 

Ҳалимҷон Салимӣ: Ногуфта намонад, ки маро маҳз ҳамин суруд дар байни мардум муаррифӣ намудааст, соли 2012 як китоберо варақгардон мекардам ҳамин шеър ба чашмам афтод шеър аз китоби сурудҳои халқӣ буд, ки ба қалами шоири Истаравшанӣ Ҷӯразод тааллуқ дошт, ҳамроҳи оҳангсози маъруф Комилҷон Латипов ҳамкорӣ намуда ба оҳанг бастем, ки хеле хуш баромад.

 

-Дар консертҳое, ки пешкаши мухлисонатон мегардонед чигуна хонишу навозишро дар онҷо истифода мебаред, ман гуфтаниям, ки нигоҳи Шумо ба хониш ва навозиши зинда чӣ гуна аст?

 

Ҳалимҷон Салимӣ:  Хеле саволи бамаврид аст. Рӯзҳои наздик дар нақша дорам як консерт баҳри мухлисонам пешкаш намоям, албатта тариқи навозиш ва хониши зинда. Бо ин ман чӣ гуфтани ҳастам, хониш ва навозиши зиндаро мепарастам. Аслан худи хониши зинда ва навозиши зинда, ба кас илҳому ҳаловат мебахшад.

 

-Дар ҳаёти инсон хоҳ дар вақти фаъолият хоҳ дар хона, лаҳзаҳое ҳастанд, ки хеле хандовару аҷоиб, ягонтоашро ба ёд меовардед?

Ҳалимҷон Салимӣ: (Механдад). Лаҳзаҳои хандовар хеле бисёр, лекин якеашро ки ба ёдам айни ҳол омад мегӯям. Дар як тӯй мехостам иштирок намоям, рафта истода будам, ки нақлиёти худрави ман  аз кор баромад. Хеле борон борида истода буд, аз мошин фаромадам тамоми либосҳоям тар шуданд охирон таксиро доштаму ҳамагӣ  15 дақиқа монда буд бо ҳамун либоси тар ба тӯй рафтам.(Боз механдад).

 

-Дар ин ҷо як шунаванда ва истифодабарандаи медиапортали мо саволи хеле аҷоиб додаанд. Шумо оё оиладор ҳастед, агар ҳа кай кадом сол хонадор шудаед?

Мо низ ҷавоби ин саволро аз Шумо пурсон мешавем?

 

Ҳалимҷон Салимӣ: (Механдад). Бале худи ҳамин сол ман оиладор шудам, соҳиби ҳамсари бовафову меҳрубон гардидам. Тӯйи хонадоршавии ман моҳи марти соли 2015 буд, лекин санаашро ман махфӣ медорам. (Боз механдад).

 

-Ташаккур барои сӯҳбати самимӣ.

 

Ҳалимҷон Салимӣ: Ба Шумо ва роҳбарияти радиои “Тироз”, ки маро ба барнома даъват намудед арзи сипос мекунам. Ба ҳамаи Шумо хонаи ободро таманно менамоям.

 

 

 

Истифодабарандагони азиз, маълумоти мухтасарро аз бахши “Дурахши ситораҳо” пайдо хоҳед кард, ки рӯзҳои наздик пешкашатон мегардад.

Нет комментариев

Также рекомендуем

Instagram навгонии деринтизорро месанҷад

Манбаъд истифодабарандагон метавонанд якбора дар якчанд аккаунт мавод ҷой диҳанд. Коркардчиёни шабакаи иҷтимоии Instagram санҷиши функсияи навро оғоз намуданд. Он имкон медиҳад, то истифодабаранда ба ...
%d такие блоггеры, как:

Сообщить об опечатке

Текст, который будет отправлен нашим редакторам: