Ман аксар вақт флешкорти худро дар ҳар гуна компютерҳо пайваст мекунам. Вактҳои охир ёд надорам, ки кай ба кадом компютер онро васл карда будам. Дирӯз флешкортро ба usb-и компютери худам пайваст кардаму ногаҳон дидам, ки ҳамаи папкаҳое, ки дар он буданд ба “ярлык” табдил ёфтаанд.
Барномаи зиддивирусии DrWeb вирусҳоро ёта несту нобуд карду, вале папкаҳо ҳамоно дар шакли “ярлык” боқӣ монданд. Агар рафту шумо низ дучори чунин ҳолат шавед – ба таалука наафтед ва дар ҳеҷ маврид флешкорти худро формат накунед. Ҳамаи маводҳои дохили флешбударо наҷот додан мумкин аст. Гап сари он аст, ки флешкаро вирус задааст, бинобар ин папкаҳо тағйир ёта, шакли “скрытый” ё “архивный”-ро ба худ касб кардаанд. Ба мо танҳо зарур аст, ки шакли онҳоро ба шакли пешина баргардонем. Ба воситаи барномаи Total Commander иҷро кардани ин кор хеле осон аст.
Барномаро мекушоем ва аз он ба дохили флешамон мегузарем. Мо дар он ҷо папкаҳои аломати хитобдорро мебинем – ин ҳамон папкаҳои пинҳониянд (агар рафту дар флешкорт ин гуна папкаҳо набошанд – пас дар Total Commander дар сарти меню “Конфигурация” – “Настройка” – “Содержимое панелей” -ро интихоб карда, дар ҷои “Показывать скрытые/системные файлы (только для опытных!)” нишона гузошта, “ОК” пахш кунед).
Ин папкаҳои пинҳониро ҷудо мекунем (масалан бо тугамачаи Insert). Мегузарем ба “Файлы” – “Изменить атрибуты”. Дар равзанаи кушодашуда ҳамаи аломатҳоро мегирем. Бояд чунин бошад:
“ОК” – ро пахш мекунем.
Баъд аз он ки папкаҳоятонро дар шакли худашон, яъне то сироятёфтани флешкорт чӣ гуна буданд дидед, пас метавонед “ярлык”-ҳоро нест кунед.
Агар пай бурдед, ки аз кадом компютер ин вирусҳо ба шумо часпидаанд, ҳатман онро аз тафтиши пурраи барномаи зиддивирусӣ гузаронед. Агар рафту бо кадом сабабҳои номаълум шумо барномаи зиддивирусиро истифода бурда натавонистед, пас метавон вирусҳоро ба таври дастӣ дар папкаҳои зерин ҷустуҷӯ кард:
Барои Windows 7 дар: C:\users\Имя пользователя\appdata\roaming.
Барои Windows XP дар: C:\Documents and Settings\Имя пользователя\Local Settings\Application Data.
Вирус худро ҳамчун файли .exe нишон медиҳад. Агар чунин файлро пайдо кардед, ҳатман онро нест кунед.
Компютери шахсии худро низ метавонед тафтиш кунед. Шахсан дар компютери ман ҳангоми пайваст кардани флешкорт, DrWeb вирусро дархол шинохту онро несту нобуд сохт.
Манбаъ: Интернет-портали “maktab.tj”
Нет комментариев