Ҷамъбасти озмуни «Беҳтарин хонандаи китобҳои бадеӣ»

0
366 просмотров

Раъно Насриддинова ғолиби озмуни «Беҳтарин хонандаи китобҳои бадеӣ» ва соҳиби “Планшет” шуд. Дар толори Китобхонаи вилоятии ба номи Тошхоҷа Асирӣ маросими ҷамъбастии озмуни «Беҳтарин хонандаи китобҳои бадеӣ» доир гардид. Доварон бо тартиби муайян иштирокчиёни озмун–хонандагонро аз рӯйи феҳрасти китобҳои мутолиакардаашон як-як дар ҳузури китобдорону омӯзгорон ва роҳбарон имтиҳон карданд. Онҳо ба ҳар як иштирокчӣ панҷ савол дода, аз рӯйи ҷавобҳои хонандагон хол гузоштанд. Дар натиҷа аз ҳаждаҳ хонандаи мактабҳои таҳсилоти миёнаи умумии ноҳияҳои Айнӣ, Ашт, Бобоҷон Ғафуров, Деваштич, Зафаробод, Мастчоҳ, Шаҳристон, Спитамен, Ҷаббор Расулов, шаҳрҳои Гулистону Бӯстон, Истаравшан, Истиқлол, Исфара, Конибодому Панҷакент ва Хуҷанд Шоҳҷоизаи озмун – “Планшет”-ро хонандаи синфи 8 МТМУ№28 ба номи Сайфиддин Нисоеви шаҳри Панҷакент Раъно Насриддинова бо ба даст овардани 242 хол соҳиб шуд.

Барои иштироки фаъолона дар озмуни мазкур ҳамчунин як қатор хонандагон бо туҳфаҳою ифтихорномаҳои Раёсати фарҳанги Мақомоти иҷроияи ҳокимияти давлатии вилояти Суғд ва Китобхонаи вилоятӣ қадрдонӣ шуданд.

Хотирнишон бояд кард, ки озмуни мазкур ба муносибати 20-солагии Ваҳдати миллӣ ва 25-солагии Иҷлосияи сарнавиштсози ХVI Шӯрои Олии Ҷумҳурии Тоҷикистон эълон гардида буд.

 

Манбаъ: сомонаи расмии МИҲД-и вилояти Суғд

Нет комментариев

Также рекомендуем

9 советов для счастливого брака

Закоренелые холостяки и скептики утверждают, что хорошее дело браком не назовут. Но скорее всего они просто не смогли или не захотели сохранить свой брак. Если ...