Амин Абдураҳимов дар Санкт-Петербург «Донишҷӯи сол-2016» эълон шуд

0
491 просмотров

Донишҷӯи тоҷик Амин Абдураҳимов аз байни донишҷӯёни шаҳри Санкт-Петербург беҳтарин дониста шуда, “Донишҷӯи сол-2016” эълон гардид. Чанде қабл ӯ унвони “Ҷаноби донишҷӯи хориҷӣ”-ро низ ба худ ихтисос дод.

Амин Абдураҳимов донишҷӯи курси 4-ум буда, «Донишҷӯи сол-2016» дар шаҳри Санкт-Петеребруг гардид. Ба ӯ ҳайкали биринҷии «Буми хирадманд» тӯҳфа карданд. Ҳамчунин Амин ба гирифтани идрорпулии махсуси ҳокимияти шаҳр қадрдонӣ шуд.Амин Абдурахимов

Дар озмуни «Донишҷӯи сол-2016» 170 толибилм аз 36 донишгоҳҳои гуногуни Санкт-Петербург иштирок карданд. Онҳо дар 12 бахш байни ҳам рақобат намуданд. Маросими тӯҳфасупорӣ охири моҳи ноябр дар толори консертии Донишгоҳи давлатии технологияи саноатӣ ва дизайн баргузор гардид.

Донишҷӯи тоҷик аз ӯҳдаи ҳамаи шартҳо ба хубӣ баромада, дар номинатсияи «Ташкилотчии беҳтарин оиди ҳамкориҳои байналмиллалӣ (таҳаммулгароӣ)» ғолиби озмун дониста шуд. Тӯҳфаро ба Амин худи губернатори шаҳр Георгий Полтавченко супорид.

Дар баробари дигар иштирокчиёни озмун ба Абдураҳимов ҳайкалчаи биринҷии «Буми хирадманд» тӯҳфа карда шуд. Ҳамчунин ӯ соҳиби планшет ва дипломи махсус гардид. Соли сеюм мешавад, ки Абдураҳимов дар Санкт-Петербург миёни ҳамсолони худ муносибатҳои дӯстона ва таҳаммулгароиро талқину ташвиқ менамояд.

Манбаъ: sputnik-tj.com

Нет комментариев

Также рекомендуем

Самые длинные ногти в мире

В настоящее время обладательницей самых длинных ногтей в мире считается певица из Лас-Вегаса 45-летняя Крис Волтон под псевдонимом Графиня, которая смогла попасть в Книгу рекордов ...
%d такие блоггеры, как: