Амири Кувайт Шайх Сабоҳ ал-Аҳмад ал-Ҷобир ас-Сабоҳ вафот кард

0
345 просмотров

Амири Кувайт Шайх Сабоҳ ал-Аҳмад ал-Ҷобир ас-Сабоҳ дар 91-солагӣ даргузашт. Тавре АМИТ «Ховар» иттилоъ медиҳад, дар ин бора рӯзи сешанбе телевизиони “Al Arabiya” бо истинод ба изҳороти дафтари амир хабар дод.

Чанде пеш аз эълони расмии марги подшоҳ, телевизиони давлатии Кувайт барномаҳои мустақимро қатъ кард ва ба пахши оятҳои Қуръон шурӯъ намуд, ки дар шоҳигариҳои арабӣ дар сурати марги бузургтарин аъзои сулолаи ҳукмрон чунин амал роҳандозӣ мегардад.

22 июл хабаргузории «Kuna» иттилоъ дод, ки шайх Сабоҳ барои табобат ба Иёлоти Муттаҳида сафар кардааст. Дар ин хабар омадааст, ки 18 июл ӯ барои ташхиси тиббӣ дар беморхонаи Кувайт бистарӣ карда шуда, пас аз он ҷарроҳии бомуваффақият гузаронида шуд. Дар робита ба бистарӣ шудани сарвари давлат, ба валиаҳд шайх Навоф ал-Аҳмад ал-Ҷобир ас-Сабоҳ як қатор салоҳиятҳо дода шуд.

Шайх Сабоҳ, соли 1929 таваллуд шуда, дар охири моҳи январи соли 2006 ба тахт нишаст.

То ин замон ӯ ба ҳайси сарвазир фаъолият мекард ва қабл аз он чанд даҳсола идораи сиёсати хориҷии кишварро роҳбарӣ менамуд. Ҳанӯз аз он замон сарвазир Шайх Сабоҳ як қатор ислоҳоти демократӣ оғоз карда буд. Аз ҷумла, ҳуқуқи занон васеъ карда шуд ( соли 2005 онҳо ҳуқуқи овоздиҳӣ ва мансаб гирифтан дар дастгоҳи давлатиро ба даст оварданд), соли 2006 муқаррароти қонунҳо дар бораи маҷлисҳои ҷамъиятӣ ва воситаҳои ахбори омма сабук карда шуданд.

То имрӯз Шайх Сабоҳ яке аз калонсолтарин фаъоли давлатӣ дар арсаи ҷаҳон маҳсуб меёфт. Дар гузашта ӯ дар Иёлоти Муттаҳида чандин бор муолиҷа ва табобат гирифтааст.

Нет комментариев

Также рекомендуем

Маслиҳатҳо барои саломатии Шумо

Салом арз менамоем ба ҳамаи шумо дӯстдорони портали «Тироз» Маслиҳате, ки мо имрӯз медиҳем, бештар ба занон тавсия карда мешавад. Дар куҷое, ки набошед, дар ...
%d такие блоггеры, как:

Сообщить об опечатке

Текст, который будет отправлен нашим редакторам: