Ҳамкории байни Душанбе ва Ройтлинген баррасӣ гардид

0
597 просмотров

14-15 ноябри соли равон Сафири Ҷумҳурии Тоҷикистон дар Германия Маликшо Неъматов ба шаҳри Ройтлинген– бародаршаҳри Душанбе сафари корӣ анҷом дод. Зимни сафар Сафири Тоҷикистон аз ҷониби обербургамистри шаҳри Ройтлинген хонума Барбара Бош ба ҳузур пазируфта шуд. Дар оғози суҳбат Сафири Тоҷикистон ба хонум Барбара Бош салому паёми дӯстонаи Раиси шаҳри Душанбе муҳтарам Рустами Эмомалиро расонда, ҷонибҳо ҳолати кунунӣ ва дурнамои ҳамкории дуҷонибаи байни бародаршаҳрҳо — Душанбе ва Ройтлингенро мавриди баррасӣ қарор доданд. Ҳарду ҷониб омодагии хешро баҳри таҳким ва густариши ҳамкорӣ дар самтҳои иқтисодӣ, фарҳангӣ, маориф ва сайёҳӣ таъкид карданд. Зимни мулоқот Сафири Тоҷикистон аз хонум Барбара Бош даъват ба амал овард, ки дар фурсати барояш муносиб аз шаҳри Душанбе боздид ба амал оварад. Хонум Барбара Бош барои даъват изҳори миннатдорӣ намуда, паёми дӯстонаи худро ба Раиси шаҳри Душанбе Рустами Эмомалӣ фиристод. Ӯ, аз ҷумла, иброз дошт, ки омода аст дар фурсати муносиб ҳамроҳ бо ҳайати соҳибкорон ва фарҳангиёни шаҳри Ройтлинген ба бародаршаҳри Душанбе сафар анҷом диҳад. Ҳамчунин дар доираи сафари корӣ мулоқоти Сафири Тоҷикистон бо роҳбари Палатаи тиҷорат ва савдои шаҳри Ройтлинген доктор Йенс Каспер баргузор гардид. Зимни мулоқот Сафир оид ба имконоти иқтисодӣ ва фазои мусоиди сармоягузорӣ дар Ҷумҳурии Тоҷикистон маълумот дода, аз Палатаи саноат ва савдои минтақаи Ройтлинген даъват ба амал овард, ки барои ҷалби соҳибкорон ва сармоягузорони аъзои Палатаи мазкур ба иқтисодиёти Тоҷикистон мусоидат намояд.

 

Манбаъ: сомонаи расмии АМИТ «Ховар»

 

 

 

 

Нет комментариев

Также рекомендуем

США собрались запретить пассажирам провозить ноутбуки в салоне самолетов из Европы

Администрация США собирается запретить пассажирам, прибывающим авиарейсами из Европы, брать в ручную кладь ноутбуки и другие крупные электронные устройства. По словам представителя министерства внутренней безопасности США Джиллиан Кристенсен, окончательное ...