Ҳамоиши «Пиряхҳои худро ҳифз менамоем» дар шаҳри Турсунзода

0
235 просмотров

Дар шаҳри Турсунзода дар доираи эълон гардидани Даҳсолаи байналмилалии амал «Об барои рушди устувор» барои солҳои 2018-2028» ва бо мақсади иҷрои супориши Ҳукумати Ҷумҳурии Тоҷикистон  ҳамоиши «Пиряхҳои худро ҳифз менамоем» баргузор шуд.

Мақсади баргузории ҳамоиши мазкур — ин ҳифзи манбаъҳои оби тоза, сарфа ва истифодаи мақсадноки об ва  баланд бардоштани маърифати экологии  сокинон мебошад.

Ҳамоиш бо роҳпаймоии беш аз 800 нафар намояндагони бахшу сохтори мақомоти иҷроияи ҳокимияти давлатии шаҳр, муассисаҳои таълимӣ, коллеҷу литсейҳо, ҷавонони фаъол, намояндагони корхонаву ташкилот ва хоҷагиҳои кишоварзӣ дар масофаи 2 км таҳти шиорҳои «Пиряхҳои Тоҷикистон боигарии давлату миллат аст», «Пиряхҳои худро ҳифз менамоем», «Пиряхҳои Тоҷикистон — кафолати серобии минтақа» оғоз гардид.

Дар ҳамоиш намояндагони мақомоти иҷроияи ҳокимияти давлатии шаҳр, мутахассисони шуъбаи ҳифзи муҳити зист ва устодону шогирдони муассисаҳои таълимӣ доир ба ташаббусҳои Тоҷикистон дар арсаи байналмилалӣ дар мавзӯи об, пешгирии гармшавии иқлим, таъсири манфии обшавии пиряхҳо ва дигар масъалаҳои марбут ба об маърӯзаҳо  намуданд.

Сардори шуъбаи ҳифзи муҳити зисти шаҳри Турсунзода  Лоиқ Раҳмонов гуфт, ки «об ганҷи раҳмат ва ганҷи беминнат аст. Мо, сокинони  саодатманди Тоҷикистони соҳибистиқлол дар навбати худ бояд барои ободонии ҳар гӯшаи Ватанамон кӯшиш намоем. Мо бояд  ҳар қатраи ин ганҷи нотакрори ҳаётро поку масаффо нигоҳ дошта, нагузорем, ки ин сарвати бебаҳо беҳуда исроф гардад».

Манбаъ: АМИТ Ховар

Нет комментариев

Также рекомендуем

%d такие блоггеры, как:

Сообщить об опечатке

Текст, который будет отправлен нашим редакторам: