Ҷамшед Исмоилов

0
793 просмотров

Ҷамшед ИсмоиловИнак, имрӯз мо хостем бо сарояндаи номдори шаҳри Хуҷанд, оне, ки бо сурудҳои ҷаззобаш дили ҳар яки моро саршор аз меҳру муҳаббат гардонидааст — Ҷамшед Исмоилов сӯҳбате ороста бошем.
Ҷамшедҷон салом арз мекунам, сараввал аз номи худам, аз номи таҳиягарони радиои “Тироз”, ва ҳамзамон аз номи мухлисонатон.
Ҷамшед Исмоилов: Ассалому алейкум, ба ҳамаи Шумоён дӯстони азиз, омодакунандагони медиапортали “Тироз” ва ба ҳамаи мухлисонам!

Аввалан барои мухлисонатон мегуфтед, ки кай дар куҷо таваллуд шудаед?

Ҷамшед Исмоилов:  3 августи соли 1979 таваллуд шудаам. Аз давраи мактаби аъзои дастаи созию овозии дар хонаи пионерон бо роҳбарии Асрорҷон Фозилов будам. Соли 1994 бо роҳбарии Илҳомҷон Ӯрмонов ба гурӯҳи Адиб ҳамчун сароянда таклиф шудам.

Нақшаҳои минбаъдаи Шумо чӣ гуна аст?

Ҷамшед Исмоилов:  Ҳоло фаъолияти сарояндагиро бо гурӯҳи худ давом дода истодаам. Дар оянда нақшаҳои зиёде дорам, сурудҳои нав ба нав барои мухлисонам эҷод мекунам барои халқи худ хизмат карда, мехоҳам тавассути сурудҳои дилнишини худ ба дили ҳама мардум каме бошад ҳам, шодӣ оварам.

Ба ғайр аз интихоби ин ё он касб инсон як ҳавасе дар дил мепарварад, яъне хобби. Лутфан мегуфтед, ки Шумо ягон хобби доред?

Ҷамшед Исмоилов: Хеле шавқи зиёд ба бозии футбол дорам.  Ҳангоми пайдо шудани имконияту вақт ҳатман ба ин бозӣ машғул мешавам. Чихеле, ки мегӯянд, варзиш гарави саломатӣ аст ман низ кӯшиш ба харҷ медиҳам, ки ба ин намуди варзиш машғул гардида, саломатии хешро нигаҳ дорам. Инчунин варзиш яке аз роҳҳои зебо гардидани овоз низ мебошад. Ва бояд ҳар як нафаре, ки дар ҷодаи санъаткорӣ қадам мениҳад  бо варзиш машғул гардад.

Ҷамшедҷон кадом хислатҳои инсониро мепазиред?

Ҷамшед Исмоилов:  Хислатҳои ҳамидаи инсониро бо чор мисраи Рӯдакии бузургвор гуфтани ҳастам. Бигзор ҳар як шаҳрванд мӯҳтавои ин мисраҳоро шиори ҳаёти худ кунаду хушбахт бошад:
Гар бар сари нафси худ амирӣ, мардӣ,Ҷамшед Исмоилов

Бар кӯру кар ар нуқта нагирӣ, мардӣ.

Марди набувад фитодаро пой задан,

Гар дасти фитодае бигирӣ мардӣ!

Инчунин бигӯям, ки аз хислатҳои инсонӣ боз масъулиятнокӣ, вафодорӣ ва одамдӯстиро мепарастам.

Ҳамаи мо аслан  шогирд ҳастем, ба ин нигоҳ накарда,  шогирд ҳам дорем, ки ҳамеша онро ба интихоби роҳи дурусти ин ё он касб равона месозем. Ҷамшедҷон Шумо ҳам шогирд доред?

Ҷамшед Исмоилов: Ҳар як шахс мехоҳад, ки шогирде парвариш намояду барои интихоби роҳи дуруст дар ҷодаи санъаткорӣ як раҳнамое бошад. Бале шогирд дорам, вале то ҳол нозукиҳои дунёи беканори санъатро худ омӯхта истодаам.

Нигоҳи Шумо хонишу навозиши зинда чӣ гуна аст?

Ҷамшед Исмоилов:  Хонишу навозиши зиндаро дӯст медорам, зеро вақти оғози фаъолиятам таҷҳизоти компютерӣ набуд  ва мо дар ҳамон вақт зинда суруд мерасоидем. Маҳз ба хотири зинда сароидан ин касбро интихоб кардаму омӯхтам.

Ҳар як санъаткори асил мехоҳад ба касе монанд бошад, ё ин ки касеро ҳамчун кумири худ мепарастад? Шумо киро мепарастед?

Ҷамшед Исмоилов:  Оҳҳо… Аз санъаткорони шинохта Аҳмад Бобоқулов, Бобомурод Ҳамдамов, Боймуҳаммад Ниёзов, Далер Назаров, Аҳмад Зоҳир, Фарҳоди Дарё, Соиб Ниёзов, Равшан Намозов, дастаи Ялла ва аз овозхонони хориҷӣ бошад Брайан Адамс, Ашер, Джеймс Моррисон, Джей Шоан-ро мепарастам.

Биёед Ҷамшедҷон барои дилгир нашудани Шумо як саволи аҷоиб, агар Шумо миллион доллар медоштед ба куҷо ё кадом кор сарфа мекардед?

Ҷамшед Исмоилов:  (Механдад).

Сипас, каме ҷиддӣ гардиду чунин посух гуфт: Агар миллион доллар медоштам ба ҳама беморон, мӯҳтоҷон, бепарастон, гуруснагону ташнагон сарф мекардам.

Ҷамшедҷон дар ҳаёти инсон хоҳ дар вақти фаъолият хоҳ дар хона, лаҳзаҳое ҳастанд, ки хеле хандовару аҷоиб, ягонтоашро ба ёд меовардед?

Ҷамшед Исмоилов: Як ҳолати хандаовар ба ёдам расид, замоне ки ман тақрибан 15 ё 16 сола будам, аксарият мардум тӯйҳои худро дар ҳавлиашон мегузарониданд, бо гилемҳову қоғазҳои тиллоранг саҳнаи тӯйхонаро оро медоданд… (Механдад)

Таги як қолини зебо ҷои санъаткоронро низ интихоб карда буданд. Саршавии тӯй буд, мо чун ҳамеша сурудҳои орому лирикӣ мехондем… (боз механдад) Вақте ки хондани сурудҳои суст тамом шуд, ҳама ҷойро оромӣ фаро гирифт, ногаҳон аз куҷое овози наъра задани гов баланд шуд, ки тариқи микрофонҳои мо бо садои давомнок чунон баромад ки тамоми меҳмонон аз тарс мӯйҳояшон ба гуфти гапҳо рост хест, пас аз фурсате ҳама тӯйхона ба ханда даромад… Баъд ба мо маълум шуд, ки паси қолини зебои ромишгарон оғили гову гӯсфандон будааст… (Механдад).

Ва ниҳоят нақшаи эҷодии Шумо дар соли 2015 ва оянда чӣ гуна аст?

Ҷамшед Исмоилов: Пеш аз он, ки нақшаҳои худро дар инҷо зикр намоям, ба аҳли кормандони радиои Тироз, ҳамзамон ба медиапортали Тироз барои дареғ надоштани вақти хеш арзи сипос менамоям, нақшаҳои хеле зиёд дорам. Яке аз нақшаҳои ман дар соли 2015 гузоштани консерт барои мухлисон буда, баровардани албоми нав мебошад. Оянда низ нақшаҳои хеле бисёр дорам, насиб барои амалӣ гардиданаш кӯшиш ба харҷ медиҳам.

 

Якчанд суруд аз Ҷамшед Исмоилов





Инҷо видеоклипҳо аз Ҷамшед Исмоилов

Jamshed Ismoilov — Yellow from Portal Tiroz on Vimeo.

Jamshed Ismoilov — Yellow from Portal Tiroz on Vimeo.

Нет комментариев

Также рекомендуем

Фотима бори дуюм чемпиони ҷаҳон гардид

Фотима Гадоева, варзишгар ва хонандаи синфи 5-уми муассисаи таҳсилоти миёнаи умумии № 11-уми Ҷамоати шаҳраки Палоси шаҳри Бӯстон дар мусобиқаи байналмилалии «Аbu Dhabi world professional ...