Анҷуман оид ба шартномабандӣ баргузор мешавад

0
290 просмотров

Санаҳои 13 ва 14 апрели соли 2018 дар Маркази таълимии Бонки миллии Тоҷикистон дар шаҳри Гулистон дар байни истеҳсолкунандагони маҳсулоти кишоварзӣ, корхонаҳои коркард ва содироткунандагони ватанӣ бо доираҳои тиҷоратӣ ва соҳибкорони давлатҳои хориҷи дуру наздик Анҷумани минтақавӣ оид ба шартномабандӣ баргузор мешавад.

Анҷумани минтақавӣ оид ба шартномабандӣ бо мақсади дастгирии истеҳсолкунандагони маҳсулоти кишоварзӣ, корхонаҳои коркард ва содироткунанда, дастгирии рушди савдои берунӣ ва тақвият бахшидан ба равобити хориҷӣ гузаронида мешавад.

Дар ин бора қарори иҷрокунандаи вазифаи Раиси вилояти Суғд Раҷаббой Аҳмадзода аз 9 марти соли 2018, №78 ба тасвиб расид.

Тибқи қарори мазкур Кумитаи тадорукот оид ба ташкил ва баргузор намудани анҷумани мазкур таъсис ва вазифадор карда шудааст, ки дар ҳамкорӣ бо вазорату идораҳои дахлдори ҷумҳурӣ ва шарикони рушди Тоҷикистон барои дар сатҳи баланди ташкилӣ гузаронидани чорабинии мазкур тадбирҳо андешад.

Манбаъ: Хадамоти матбуоти Раиси вилояти Суғд

Нет комментариев

Также рекомендуем