Ҳангоми харидани маводи ғизоии давлатҳои хориҷа эҳтиёт бошед!

0
498 просмотров

Имрӯзҳо, ки дар арафаи Соли нави мелодии 2016-ум қарор дорем, хоҳ-нохоҳ барои харидани маводи ғизоӣ ва тӯҳфаҳои солинавӣ ба марказҳои савдо ва бозору мағозаҳо меравем. Аммо, ҳангоми харидории маводи истеъмолӣ бояд сахт эҳтиёт шуд. Зеро, ҳастанд тоҷироне, ки бо истифода аз чунин рӯзҳои идонаву серхаридор, баъзе аз маҳсулоти пастсифат ё мӯҳлати истеъмолаш гузаштаро ба фурӯш мебароранд. Вале, чунин ашхос андеша намекунанд, ки бо ба даст овардани фоидае чанд, ба саломатии шаҳрвандон таъсири манфӣ, ҳатто то ба бемориҳои марговар оварда мерасонанд.

Фото-2

Хушбахтона, мақомоти дахлдор ҳангоми гузаронидани рейдҳо чунин соҳибкорону тоҷирон ва фурӯшандагонро сари вақт боздошт намуда, маҳсулоти пастсифат ва мӯҳлати истеъмолаш гузаштаро аз фурӯш бозмедоранд.

Масалан, чанд рӯз қабл, беш аз 58 ҳазор тонна маҳсулоти ғизоии аз Ҷумҳурии исломии Эрон воридшуда нобуд карда шуд.

 

 

Дар асоси қарори сохторҳои дахлдори вилояти Суғд 58 ҳазору 554 килограмм маҳсулоти ғизоӣ, аз қабили хурмо, биринҷ ва кекс, ки аз Эрон ворид гардида, мӯҳлати истифодаашон гузаштааст, аз савдо боз дошта шуд.

Бино ба иттилои Маркази матбуоти Хадамоти гумруки назди Ҳукумати Ҷумҳурии Тоҷикистон, ин маҳсулот ҳанӯз моҳи июни соли ҷорӣ тариқи роҳи оҳан оварда шудааст.

Гуфта мешавад, намояндагони ҶДММ «Бахтофарид» моли мазкурро дар дохили қатораи роҳи оҳан нигоҳ дошта, аз сабаби ба мақомоти гумрук номаълум, барои барасмиятдарории гумрукии мол ҳуҷҷатҳои лозимаро пешниҳод накардаанд.

Зимнан зикр мегардад, ки дар натиҷаи аз тарафи соҳибмулк дар дохили қатора дар шароити номусоид ва мӯҳлати тӯлонӣ нигоҳ доштани моли мазкур, маводи хӯрока сифати истеъмолии худро гум кардааст.

Фото-5

Дар интиҳо хоҳиш мекардем, ки ҳангоми харидани молу маҳсулоти ғизоӣ ҳамеша эҳтиёткор бошед ва ҳатман мӯҳлати истеъмолу истифодаи онҳоро аз назар гузаронед. Боқӣ бароятон тани дурусту хонаи ободро таманно дорем!

Если вы нашли ошибку, пожалуйста, выделите фрагмент текста и нажмите Ctrl+Enter.

Нет комментариев

Также рекомендуем

Барқияи табрикии Пешвои миллат ба Президенти тозаинтихоби Иёлоти Муттаҳидаи Америка Доналд Ҷон Трамп

Имрӯз Асосгузори сулҳу Ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Президенти тозаинтихоби Иёлоти Муттаҳидаи Америка Доналд Ҷон Трамп барқияи табрикӣ ирсол намуд, ...
%d такие блоггеры, как:

Сообщить об опечатке

Текст, который будет отправлен нашим редакторам: