Анна Муминова аз Тоҷикистон “Зебосанами ҷаҳон-2017”

0
130 просмотров

Анна Муминова, як модели бисту шашсола аз Тоҷикистон дар озмуни «Краса Вселенной- 2017” («Ҳусни дунё-2017”) дар шаҳри Сочи ҷои аввалро ба даст овард. Ин сабқат дар байни зебодухтароне доир шуд, ки ҳанӯз издивоҷ накардаанд. Шоми 10 ноябр дар як маросим дар казинои «Сочи Казино и Курорт” дар шаҳри Сочии Русия исми барандагони озмуни байналмилалии «Краса Вселенной- 2017” («Ҳусни дунё-2017”) эълон шуд.

Ҷои аввал ва унвони «Краса Вселенной- 2017”-ро Анна Муминова аз Тоҷикистон ба даст овард. Татяна Фомичёва аз шаҳри Маскав ҷои дуюм ва унвони «Первая Вице-Краса Вселенной 2017” ва Мария Демидова аз Новокузнетск мақоми сеюм ва унвони «Вторая Вице-Краса Вселенной 2017”-ро дар ин сабқат ба даст оварданд. Анна Муминова ҳамчун ғолиб узви ҳайъати ҳакамони озмуни «Краса Вселенной- 2018” интихоб шуд.

Ин озмун моҳи сентябри соли 2018 дар яке аз машҳуртарин казиноҳои дунё – «Monte Carlo Casino Las Vegas” дар шаҳри Лас-Вегаси Амрико баргузор хоҳад шуд. Озмуни «Краса Вселенной- 2017” аз ҷониби маркази продюсерии Леонид Хромов барои духтароне доир мешавад, ки ҳанӯз издивоҷ накардаанд. Дар озмуни имсола довталабон аз 10 кишвар ширкат кардаанд. Се нафаре, ки аз марҳалаи қаблӣ гузаштанд, барои ширкат дар даври ниҳоӣ ба Сочи даъват шуданд.

Анна Муминова, бино ба маълумотномааш, 26 сол дошта, риштаи иқтисодии донишгоҳро хатм кардааст ва ҳамчун модел дар чанд намоиши муд, аз ҷумла International Fashion Week ширкат кардааст.

 

Манбаъ: сомонаи  tajikistantimes.tj

 

 

 

Нет комментариев

Также рекомендуем

Имрӯз – Рӯзи умумиҷаҳонии туризм

Сайёҳон торафт бештар ҷозибаи Тоҷикистонро эҳсос менамоянд! «Сайёҳӣ ё худ туризм дар сиёсати имрўзаи Ҳукумати кишвар бо дарназардошти захираҳои бузурги табиӣ — рекреатсионӣ ва мероси ...