http://www.3dnews.ru/907107

Ширкати Group-IB ва Fox-IT дар бораи мавҷудияти гурӯҳи нави хакерии Anunak, ки бо гузаронидани ҳамлаи муташаккилона ва ҷосусона машғул аст, ҳушдор месозад. Тафтишот нишон дод, ки киберҷинояткорон аз соли 2013-ум амал мекунанд. Қурбониёни он дар Руссия ва дар давлатҳои ИДМ,  бонкҳо ва системаҳои пулдиҳӣ, дар Аврупо, ИМА ва кишварҳои Америкои Лотинӣ-шабакаҳои тиҷорати чакана, ҳамчунин манбаҳои хабарии васоити ахбори умум мебошанд.

Асбоби асосии қаллобон ин таъминоти барномаи зараровари Anunak маҳсуб меёфт. Тавре зикр мегардад, ба шарофати он киберҷинояткорон ба осонӣ вориди шабакаҳои бонкӣ гардида, ба системаҳои ҳимояшудаи пулӣ дастрасӣ пайдо мекарданд. Дар натиҷа на мизоҷон балки молу амволи  бонкҳо ба яғмо бурда мешавад. Агар ҷинояткорон барои ба шабакаи муассисаи давлатӣ дохил шудан иҷозат гирифта бошанд, мақсади ягонаи онҳо, ғорат намудани молу мулки он коргоҳ мебошад.

Вориди шабакаҳои бегона гардида, ҷинояткорон пурра системаҳои компютерҳои маъмурият ва IT-и ҳайати коркунони ширкатро зери назорат гирифта, кори операторони системаҳои асосиро барои омӯзиши низомномаи дурусти он, сабт мекунанд. Ба ғайр аз ин, мониторинги почтаҳои электронӣ ҷорӣ мегардад, ки бо ин усул роҳҳои алоқаи дохилӣ зери назорат гирифта мешавад. Барои пайдо кардани дастрасӣ ба шабакаҳо, дар таҷҳизотҳои шабакавӣ тағйиротҳо дароварда мешаванд.

http://www.3dnews.ru/907107

Ба ҷинояткорон муяссар гардидааст, ки ба беш аз 50 бонкҳои руссиягӣ ва 5 системаҳои пулдиҳӣ, 16 ширкатҳои бо савдои чакана машғулбуда (ритейловый), ки қисмати зиёди он дар ИМА қарор дорад, бо муваффақият дастрасӣ пайдо кунанд. Бо вуҷуди ин, онҳо натавонистаанд ба ягон бонки амрикоӣ-аврупоӣ ҳамла оваранд. Мабалағи миёнаи ғоратгарии онҳо дар ҳудуди Руссия ва кишварҳои пасошӯравӣ 2 миллион доллари ИМА-ро ташкил мекард. Дар айни замон маблағи умумии ғоратгарие, ки он ба гурӯҳи Anunak тааллуқ дорад, 1 миллиард рубл афзудааст.

Сарчашма: matrix-tv.tj