Анвар Юнусов — соҳиби роҳхат ба Олимпиадаи Рио-2016

0
1 100 просмотров

Анвар Юнусов, варзишгари маъруфи тоҷик, дар мусобиқаи ҷаҳонии интихобии олимпӣ оид ба бокс байни мардон соҳиби роҳхат ба Бозиҳои олимпии соли 2016 дар Рио-де-Жанейрои Бразилия гардид. Дар ин бора Кумитаи миллии олмпии Тоҷикистон хабар медиҳад.

Вай дар ин мусобиқа, ки дар пойтахти Озарбойҷон  шаҳри Боку  ҷараён дорад, дар вазни то 60 кило ба даври нимниҳоӣ роҳ ёфт. Анвар Юнусов  баъди се пирӯзӣ бар Эдгарас Скурделис (Литва), Алӣ Аҳмад (Покистон) ва Доменеко Валентино (Италия) бо ҳисоби якхелаи 3:0, шаби панҷшанбеи 23 июн дар даври чорякниҳоӣ Волкан Гоксекро аз Туркия бо ҳисоби 3:0 шикаст дод. Зимнан, Анвар дар Рӯзи олимпӣ пирӯз шуд.

Ҳамин тариқ, Анвар Юнусов муборизаро барои унвони қаҳрамони мусобиқаи ҷаҳонии интихобии олимпӣ дар Боку  идома медиҳад. Ӯ дар даври нимниҳоӣ, ки бегоҳи ҷумъаи 24 июн баргузор мешавад, бо Ҷун Шан аз Чин рақобат мекунад. Сарфи назар аз натиҷаи қувваозмоии нимниҳоӣ муштзани пуртаҷрибаи тоҷик ба ҳаққи ширкат дар Олимпиадаи Рио-2016 мушарраф гашт, зеро ки ӯ ҳадди ақал ҷойи севумро мегирад.

Намояндаи дигари Тоҷикистон Шавкатҷон Раҳимов дар вазни то 64 кило пас аз ду пирӯзӣ бар Енок Мвандила Поулсен (Дания) ва Рошиелд Виллямс (Баҳрайн) бо ҳисоби якхелаи 3:0, дар даври  чорякниҳоӣ 23 июн аз Кумар Маноҷ (Ҳиндустон) шикаст хӯрд. Агар варзишгари Ҳиндустон, ки ба даври нимниҳоӣ роҳ ёфт, ғолиби мусобиқа шавад, он гоҳ Шавкатҷон Раҳимов ҷойи панҷумро мегирад ва ба ҳаққи ширкат дар Олимпиадаи навбатӣ даст меёбад.

Манбаъ:http://sugd.tj/

Нет комментариев

Также рекомендуем

ЛУЧШИЕ МЫСЛИ ЧЕЛОВЕЧЕСТВА

Этот проект представляет для радиослушателей уникальную коллекцию мыслей и высказываний великих людей, которые ежедневно  в эфире Радио «Тироз» обогащают  сознание бесценным жизненным опытом знаменитых философов, ...
%d такие блоггеры, как:

Сообщить об опечатке

Текст, который будет отправлен нашим редакторам: