Apple iPhone 8, iPhone 8 Plus ва iPhone X-ро намоиш дод

0
210 просмотров

Ширкати Apple айфонҳои нави iPhone 8, iPhone 8 Plus ва iPhone X-ро намоиш дод. Ду дастгоҳи аввала шакли куллан навкардашудаи iPhone 7 ва 7 Plus мебошанд. Онҳо бо дисплейи нисбатан мустаҳкам, протсессори нав, суръатфизои графикии шахсии коркарди ширкати Apple, инчунин барои сохтани суратҳои ба таври касбӣ зебо аз технологияи омӯзишӣ мошинӣ истифода мебаранд. Ба ғайр аз ин, онҳоро аз дилхоҳ дастгоҳ бидуни ноқилҳо аз нерӯъ пур кардан мумкин аст, ки стандарти кушоди нерӯгирии беноқили Qi-ро дастгирӣ менамоянд.

iPhone 8 (ё ин iPhone 7s?):

iPhone 8 ва iPhone 8 Plus аз протсессори нав, ки ширкати Apple онро коркард намудааст, аз A11 Bionic истифода мебарад. Мувофиқи суханони ширкат, ин чипи аз ҳама баландсуръати ҳисоббарор будааст, ки замоне дар смартфон истифода бурда шуда будааст. A11 Bionic дорои 6 ядро (дар A10 Fusion-и вайсола 4 ядро) буда, вале ду маротиба камтар қувваи барқ сарф мекунад. Суръатнокии баланди ҳисоббарории ду ядрои сермаҳсул 25%, ҳисоббарории чор ядроӣ бошад,  70% қувваи барқро сарф мекунад.

Камераҳои нави iPhone 8 ва iPhone 8 Plus чунон насб карда шудаанд, ки бе мушкилӣ бо замимаҳои иловагии воқеӣ (AR) кор карда метавонанд. Ба ғайр аз ин, онҳо бо стандарти 4K бо зичии 60 лаҳзаи алоҳида дар як сония видеоро ба навор гирифта метавонанд. Видеои сустро бошад, дар давоми 240 к/с.

Яке аз функтсияҳои нисбатан инноватсионӣ (барои Apple) дар iPhone 8 ва iPhone 8 Plus — ин нерӯгирии беноқил мебошад. Нархи iPhone 8 ва iPhone 8 Plus дар тафсири «асосӣ» бо хотираи доимии 64 ГБ смартфонҳо дар ИМА 699 ва 799 доллар мебошад.

iPhone X

Вале дар намоиши дастгоҳҳои нави ширкати Apple, аз ҳама муҳим ин на iPhone 8 ва «бародари калонии вай» буданд. Ширкати Apple дар шакли классикии Стив Ҷобс боз як чизро намоиш дод, ки ин iPhone X-и эксклюзивӣ мебошад (он дар забони англисӣ на чун «икс», балки чун «тен» — «даҳ» хонда мешавад). Мувофиқи суханони намояндагони ширкати Apple, дар ин дастгоҳ «смартфони оянда» ба амал тадбиқ гардонида шудааст. Дастгоҳи нав чун iPhone-и аввалаи инқилдобии 10 – сол пештара бо ғунҷоиши мултичат-экран мебошад. Намуди  iPhone X чунин мебошад:

Флагмани нави смартфони Apple дар фарқият аз пешгузаштагони худ дар қисмати пешаш тугмаҳои доирашакли «Ба хона» («Домой»)  надорад. Ҷойи онро «Super Retina Display» ишғол кардааст, ки истеҳсолгараш Samsung OLED-экран бо диагонали 5,8 дюйм ва дастгириёбии 2436 ба 1125 пиксел мебошад. Дисплей дастгириёбии HDR-манбаро инъикос менамояд (ҳамзамон ду стандарти рақобаткунандаи DolbyVision ва HDR 10-ро), дорои тазоди миллион барои як адад мебошад ва чун  экранҳои iPhone 8 ба равшании атроф тавассути  ТrueTone мутобиқ мегардад. Қисмати пушти дастгоҳи нав чун дар «ҳаштгонаҳо» аз шиша сохта шудааст, то ки нерӯгирии беноқил имконпазир гардад ва чорчӯбаи паҳлӯҳои он аз пӯлоди зангназанандаи сифати ҷарроҳидошта сохта шудааст. Бовуҷуди ин iPhone X (чун iPhone 8) аз об ҳифзкардашуда мебошад.

iPhone X-ро чӣ тавр кушодан мумкин аст, агар он дорои тугмаи «Ба хона» («домой») набошад? Бо даст расонидан ба қисмати поёнии экран ва онро ба боло кашол додан iPhone X кушода мешавад. Худи ҳамин гуна ҳаракат интерфейси пайвастшавиро байни замимаҳо даъват месозад (дар iPhone ва iPhone 8-и «кӯҳна» барои ин корро анҷом додан ду маротиба тугмаи «ба хона» («домой») – ро пахш кардан лозим аст). Барои даъват кардани Siri дар iPhone X тугмаи калонкардашудаи пайвастшавӣ барои муошират бо мададрасони садоӣ масъул мебошад, ки онро ду маротиба пахш карда, нигоҳ доштан лозим аст.

iPhone X дорои захиракунии доимии 64 ё 256 гигабайт мебошад ва тафсири асосӣ 999 долларро ташкил медиҳад.

 

 

Нет комментариев

Также рекомендуем

1919 единый номер телефона для обращения граждан в милицию

По инициативе министра внутренних дел Таджикистана генерал-лейтенанта милиции Рамазона Рахимзода, в МВД республики с 19 апреля начал функционировать телефон-коммутатор 1919 для всех подразделений органов внутренних ...