Вобастагии ҳар як собиқадор ба як муассисаи таълимӣ

0
246 просмотров

Сипас, дар бораи фаъолияти Шӯрои сбиқадорони ҷангу меҳнат, дастовард, муаммову мушкилот, раванди ислоҳи камбудиҳо аз ҷониби Раиси Шӯро Мӯъминҷон Орифӣ маълумот дода шуд.

Таъкид шуд, ки имрӯз дар шаҳри Хуҷанд 36 ташкилоти ибтидоии кӯҳансолон бо фаргирии 1508 нафар собиқадорон фаъолият дорад. Шӯрои собиқадорон дар ҳамкорӣ бо раёсату шуъбаҳои Мақомоти иҷроияи ҳокимияти давлатии шаҳри Хуҷанд баҳри амалӣ намудани дастуру супоришҳои Асосгузори сулҳу Ваҳдати миллӣ, Пешвои миллат, Президенти мамлакат мӯҳтарам Эмомалӣ Раҳмон силсилаи чорабиниҳоро амалӣ намуда истодааст.

alt

Маҳаки асосии фаъолияти собиқадоронро тарбияи комили наврасону ҷавонон ва раҳнамоии эшон дар рӯҳияи ватандӯстию меҳанпарварӣ мебошад. Дар ин самт фаъолияти ташкилотҳои ибтидоии соҳаи сохтмон, маҳаллаҳои Ҷаббор Расулов, Тути калон, Мевағул, Навбаҳор хеле хуб ба роҳ монда шудааст, ки намунаи ибрат ба дигар ташкилотҳои ибтидоӣ аст.

Мӯъминҷон Орифӣ зикр намуд, ки дар баробари раҳнамоии ҷавонон мо бояд пайваста аз ҳолу рӯзгори собиқадорон воқиф гардем, онҳоро ба зиндагӣ дилгарм намоем. Ба корҳои ҷамъиятӣ ҷалб созем, ба дарди дили эшон пайваста гӯш диҳем. Даъват намоем, айёдат кунем. Ба корҳои фаҳмондадиҳӣ, тарғиботу ташвиқот сафарбар намоем. Раисони ташкилоти ибтидоиро зарур аст, ки дар паҳлуи Раисони кумитаи маҳаллаҳо истода, дар пешбурди сиёсати давлатӣ ва ободии маҳал саҳмгузорӣ намоянд.

Дар ҷаласа ҳамчунин собиқадорон аз ҷумла Юлдош Шокаримов, Маҳмуд Абдуллоев ва дигарон баромад намуда, доир ба ҷоннок намудани кори ташкилотҳои ибтидоии куҳансолон ва тарбияи наврасону ҷавонон пешниҳодот манзур намуданд. Аз ҷумла таъкид шуд, ки бояд ҳар як собиқадорро ба як муассисаи таълимӣ вобаста намоянд, то ин, ки пайваста бо хонандагону мулоқоту раҳнамоиҳо созанд. Дар кумитаи маҳаллаҳо маҳфилҳои гуногунро ҷорӣ намуд ва наврасону ҷавононро зимни таътилашон ба он саргарм кард. Дар дармонгоҳҳо утоқҳои алоҳида барои собиқадорон ташкил гардад ва пайваста ба эшон маслиҳату машваратҳо дода шаванд.

Дар ҷаласа Раиси Шӯрои собиқадорони ҷангу меҳнати виляти Суғд Турсунбой Раҳматов иштирок ва суханронӣ намуд.

Манбаъ: Дафтари матбуоти Раиси шаҳри Хуҷанд

Нет комментариев

Также рекомендуем

Поддержим Манижу, «человека-радара» вместе!

Наша соотечественница Манижа Тошболтаева из Душанбе, приняла участие в престижном телевизионном проекте телеканала «Россия» — «Удивительные люди». Она показала, на что способны таджикские дети. Манижа ...