Ҷараёни баргузории Ярмаркаи байналхалқии савдо «Суғд-2017″-ро журналистони хориҷӣ низ инъикос менамоянд

37

Имрӯз, 16-уми июни соли 2017 дар маркази вилояти Суғд — шаҳри Хуҷанд Ярмаркаи байналхалқии савдо «Суғд-2017» оғоз меёбад ва он санаи 17 июн низ идома меёбад. Дар ярмарка истеҳсолкунандагони маҳсулот ва корхонаву муассисаҳои коркарди маҳсулоти кишоварзӣ, намояндагони коргоҳҳои азими соҳаҳои мухталифи саноатӣ аз саросари Тоҷикистон, ширкатҳо, бонкҳо, сохтмон, нақлиёт, доираҳои соҳибкории Федератсияи Русия, давлатҳои Қирғизистон, Қазоқистон, Белорус, Хитой, Ҷопон, Ҳиндустон, Малайзия, Полша, Сербия ва дигар мамолики хориҷӣ, намояндагони созмонҳои байналхалқӣ ва васоити ахбори омма ширкат меварзанд. Ҷараёни баргузории ярмаркаи байналмилалиро дар қатори намояндагони васоити ахбори оммаи дохилӣ журналистони хориҷӣ низ дар расонаҳои гуногун инъикос менамоянд. Айни замон гурӯҳи журналистон аз Федератсияи Россия, Ҷумҳурии Қазоқистон ва Ҷумҳурии Беларус дар вилояти Суғди Ҷумҳурии Тоҷикистон қарор доранд. Интизор меравад, ки намояндагони воситаҳои ахбори оммаи хориҷӣ доир ба имкониятҳои содиротии Ҷумҳурии Тоҷикистон ва рушди соҳаҳои гуногуни хоҷагии халқи мамлакат гузоришҳо омода намоянд.

Манбаъ: www.sugdd.tj

НЕТ КОММЕНТАРИЕВ

ОСТАВЬТЕ ОТВЕТ