Ашт: Содироти 2720 тонна меваи тар ба хориҷа

0
340 просмотров

Аз аввали мавсими имсола, аз ноҳияи Ашти вилояти Суғд аллакай 2720 тонна меваи тар тавассути 160 автомашина ба хориҷи мамлакат содирот карда шудааст. Аз ҷумла, 2687 тонна зардолу ва 33 тонна гелосу олу ба Федератсияи Россия фиристода шуд. Дар ин бора аз мақомоти ичроияи ҳокимияти давлатии вилояти Суғд ба АМИТ «Ховар» хабар доданд.

Илова бар ин, тавассути автомашинаҳои боркаши хурд ҳамарӯза то 20 тонна меваи тар бо нархҳои аз 1,5 сомонӣ то 2,5 сомонӣ ба бозорҳои шаҳру ноҳияҳо бароварда шуда, то имрӯз наздик 500 тонна, аз ҷумла 453 тонна зардолу ба фурӯш рафтааст.

Ҳамзамон, ширкатҳои истеҳсолӣ низ барои харидории меваҳои шаҳдбори ноҳия ҳавасманд буда, аз тарафи корхонаи «Оби зулол» барои истеҳсоли афшура аллакай 22 тонна зардолу харидорӣ карда шуд.

12 июн Раиси вилояти Суғд Раҷаббой Аҳмадзода дар ноҳияи Ашт ба рафти ҷамъоварӣ, коркард ва содироти меваи зардолу шинос шуд.  Аз ҷумла, Раиси вилоят аз хоҷагии деҳқонии «Дурахшон» боздид намуд. Хоҷагии деҳқонӣ дорои 20 гектар  боғи зардолу мебошад. Навъҳои «Мирсанҷалӣ» ва «Исфарак», ки дар ин хоҷагӣ парвариш меёбад, харидорони сершумори худро дорад.

Дар идома Раиси вилоят бо фаъолияти Ҷамъияти дорои масъулияти маҳдуди «Зардолу ва К» шинос шуд. Дар корхона 55 нафар ба кор ҷалб гардида, то имрӯз тавассути ин ширкат 1350 тонна мева содирот гардидааст.

Бояд зикр кард, ки боғпарварӣ яке аз соҳаҳои сердаромади минтақа маҳсуб ёфта, дар парваришу нигоҳубини боғоти зардолу боғдорони ноҳияи Ашт таҷрибаи калон доранд. Маҳз бо заҳмату талоши боғдорони ноҳия ҳамасола садҳо тонна меваҳои шаҳдбори ноҳия ба хориҷи кишвар содирот гардида, қисми асосии даромади он барои боло рафтани сатҳи зиндагӣ, некуаҳволии сокинон ва ривоҷ додани соҳа сарф мегардад.

Раиси вилоят ба фаъолияти боғдорону ширкати истеҳсолӣ баҳои баланд дода, ҷиҳати бештар намудани содироти маҳсулот, сари вақт ба анҷом расонидани чиниши меваҷот, таъмини бозорҳои вилояту ҷумҳурӣ бо меваҳои тару тоза дастуру супоришҳо дод.

Манбаъ: АМИТ «Ховар»

Нет комментариев

Также рекомендуем

Маҳви 53 ҷангҷӯи «Толибон» дар Қандаҳор

Дар ҷануби Афғонистон дар вилояти Қандаҳор, 53 ҷангҷӯи ҳаракати «Толибон» (мамнуъ дар Тоҷикистон) кушта шуданд, гуфта шудааст дар гузориши вазорати мудофиаи ин кишвар, хабар медиҳад ...

Сообщить об опечатке

Текст, который будет отправлен нашим редакторам: