Ҷавондухтари зеботарини Хуҷанд муайян шуд

0
1 536 просмотров

Бо мақсади эҳё намудани анъанаҳои милли, тарбияи маънавию эстетикии ҷавонон, эҳтиром ва муҳаббат нисбат ба зан, ҳусну ҷамол, тарзи муомилаву завқи либоспушӣ, мустаҳкам намудани тарбияи зебопарастӣ ҷавонон, бахшида ба 25 солагии Истиқлолияти давлатии Ҷумҳурии Тоҷикистон Бахши ҷавонон, варзиш ва сайёҳии шаҳри Хуҷанд дар Маркази зебоӣ  ва ҳусни «Шоира-люкс» озмуни «Маликаи сол-2016» баргузор гардид.
Дар озмун ҳашт нафар ҷавондухтарони касбу кори гуногун,- Гулрӯ Исмоилова — донишҷӯи донишкадаи иқтисод ва савдои донишгоҳи давлатии тиҷоратии Тоҷикистон, Мавзуза Нормухамедова – донишҷӯи Донишкадаи политехники Донишгоҳи техники Тоҷикистон ба номи ак. М.Осимӣ, Парвина Қурбонова — хонандаи Мактаби таҳсилоти миёнаи умумӣ № 16, Заррина Сатторова — донишҷӯи ДДХ ба номи академии Б. Щафуров, Ҷамолби Сафиева — донишҷӯи Коллеҷи тиббии шаҳри Хуҷанд ва Сайфура Нозимова — хонандаи Мактаби таҳсилоти миёнаи умумӣ № 22 ширкат намуданд. Ҷавондухтарон тибқи шартҳои озмун намоиши либоси миллӣ ва шиносоӣ, намоиши сару либосҳои ҳаррӯза, изҳори муҳаббат (ба модар, падар, устод, маъшуқ, ватан), намоиши либоси ҷашнӣ ҳунарномоӣ дар ҷодаи саънат (ракс, хондани суруд ё шеър), намоиши либоси базмӣ – арӯсӣ бояд маҳорату дониш ва малакаи худро намоиш доданд.
Дар асоси баҳогузории аъзоёни ҳакамон ҷойи авваал ва номи «Маликаи сол»-ро донишҷӯи донишкадаи иқтисод ва савдои донишгоҳи давлатии тиҷоратии Тоҷикистон Гулрӯ Исмоилова соҳиб гашт.
Ба ғолиби озмун ва иштирокдорони ин озмуни зебоӣ мукофотҳои таъсиснамудаи Мақомоти иҷроияи ҳокимияти давлатии шаҳри Хуҷанд ва Бахши ҷавонон варзиш ва сайёҳиро муовини Раиси шаҳри Хуҷанд Умедахон Муродӣ супорид.

Манбаъ:http://khujand.tj/

Нет комментариев

Также рекомендуем